Келип, сергидӱ ал!

1. Калју улустарла толгон телекей,

Олор Кудай јолын билбейт.

Алтамын апарар јаҥ јок кижиде,

Эт-кан кычазыла јӱрет.

Туштажулар јакшы берет сезимдер —

Бой-бойысты сергидектер.

Олор јакшы керектерге кӱӱнзедет,

Сӱӱнчи ле ийде-кӱч берет.

Анайткажын, јолдоҥ бек тудунарыс,

Бӱткенисти тыҥыдарыс.

Кудай сӱӱжине артарга јаантайын,

Болуш берзин бу јуундарыс.

2. Керексинижисти Иегова билер,

Ол эҥ тузалу јӧп берет.

Бир алаҥзыбай Кудайга сен ижен,

Јуун божодорго темикпе.

Бистиҥ акалар јӱрегиле белен,

Меҥдейт болуш јетирерге.

Мындый сӱӱнчилӱ ле јылу биледе

Кунугып јӱрбейдис бир де.

Јайым беретен кӱн јууктайт кӱнӱҥ ле.

Колбуларысты чеберлеп,

Јуундарысты бийик баалап јӱрерис,

Кудай ойгорын кичеерис.