Билеге ырысту болорго не керек?

АГАРУ БИЧИК НЕНИ АЙДАТ

«Кудайдыҥ сӧзин угуп, бӱдӱрип јӱргени кежиктӱ [ырысту]!» (Лука 11:28, Јаҥы Кереес. Агару Бичик).

БУ СЛЕРГЕ КАНДЫЙ ТУЗА БЕРЕР АРГАЛУ

Чын сӱӱш (Ефестегилерге 5:28, 29).

Акту јӱрегинеҥ тооп турарын (Ефестегилерге 5:33).

Биледе бирлик ле амыр (Марк 10:6—9).

АГАРУ БИЧИКТИҤ АЙДЫП ТУРГАНЫНА БӰДЕРГЕ ЈАРААР БА?

Эйе, бого бӱдериниҥ кезик шылтактары:

• Кудай — билениҥ Јайаачызы. Иегова Кудай баштапкы эр ле ӱй кижини бир биле эдип бириктирип салган деп, Агару Бичикте айдылган (Башталганы 2:18—24) Ӧскӧртӧ айтса, биле бойыныҥ бар болгоныла Кудайга учурлу. Је мыны нениҥ учун билер керек?

  Сананып кӧрзӧр дӧ, слерге кандый бир курсак јараган болзо, оны недеҥ белетегенин слер кемнеҥ сураар эдигер? Оны белетеген кижинеҥ эмей, чын ба?

  Анайып ла ок, билениҥ ырызы недеҥ камаанду болгонын билерге кӱӱнзезер, оныҥ Јайаачызына — Иегова Кудайга — баштанганы эҥ артык болор.

• Кудай слерди кичееп кӧрӧт. Нениҥ учун јӧпти Кудайдыҥ Сӧзинеҥ бедирегени артык болор? «Нениҥ учун дезе,— Агару Бичикте айдылганыла,— Ол слерди кичееп кӧрӱп јӱрӱ» (1 Петрдыҥ 5:6, 7). Иегова Кудай бистерге эҥ ле јакшызын кӱӱнзеп јат, Оныҥ берген јӧптӧри чын ла тузалу! (Укаа сӧстӧр 3:5, 6; Исаия 48:17, 18).