Иеремия Иегова керегинде куучындаарын токтотпогон

Качан бис улуска Иегова керегинде куучындап турзас, олор кезикте биске каткырыжат, керек дезе ачынып та јат. Мынаҥ улам бис коркып, Кудай керегинде куучындабай да барарыс. Сенле мындый учуралдар качан бирде болды ба?~ Агару Бичикте Иегованы сӱӱген бир јиит уул керегинде айдылып јат. Бир катап ол Кудай керегинде куучындаарга арай ла болзо токтоп калбады. Бу јиит уулдыҥ ады Иереми́я болгон. Ол керегинде кӧпти билип алак.

Иегова јиит Иеремияга улус јаман керектерин этпей токтозын деп, јакарган. Бу јакылта Иеремияга коркышту кӱч деп билдирерде, ол коркый берген. Иеремия Иеговага: «Мен айдып болбозым, мен арай ла јиит» — деп, айтты. Је Иегова ого: «Коркыба. Мен сеге болужарым» — деп, каруу берди.

Мынаҥ улам, Иеремия улуска, олор тӱзедилбезе, кату каруузына турар деп, јакарып баштады. Улус Иеремияныҥ сӧстӧрин укты ба, сен канайып сананып туруҥ?~ Јок. Олор ого каткырыжып, коркышту чугулданды. Кезиктери оны ӧлтӱрерге де кӱӱнзегиледи! Иеремияныҥ сезими кандый болды, сен канайып сананып туруҥ?~ Ол коркый береле: «Мен Иегова керегинде база куучындабазым» — деп, айткан. Иеремия чын ла турумкайын јылыйтып, куучындабай барды ба?~ Јок эмей. Ол Иегованы тыҥ сӱӱп турганынаҥ улам, ол керегинде куучындаар кӱӱндӱ болгон. Иеремия турумкай болгонынаҥ улам Иегова оны корулаган.

Бир катап калју улус Иеремияны балкашту тереҥ орого таштап ийгендер. Ого суу да, курсак та бербес болгон. Иеремия ондо ӧлӱп калзын деп, олор кӱӱнзегендер. Је Иегова Иеремияга аргаданарга болушты.

Иеремияныҥ теми сени неге ӱредер аргалу?~ Иеремия кезикте Иегова керегинде куучындаарга коркыган да болзо, ол куучындаарын токтотпогон. Качан сен Иегова керегинде куучындап турзаҥ, кемге де бу јарабай калардаҥ айабас. Сеге каткырыжар да болор. Сеге уйатту эмезе коркымчылу да болордоҥ айабас. Је Иегова керегинде куучындаарга качан да токтобо! Кудай Иеремияга канайып болушкан, анайып ла сеге јаантайын база болужар.