Бастыра телекейле башкарар Каандык

Куучын кандый Каандык керегинде болорын сен билип ийдиҥ бе?~ Эйе, јердиҥ ӱстин рай эдетен Кудайдыҥ Каандыгы керегинде. Бу Каандык керегинде кӧпти билерге кӱӱнзейдиҥ бе?~

Кажы ла каандыкта бойыныҥ албатызыла башкарып турган кааны бар. Кудайдыҥ Каандыгында кем Каан болуп турган сен билериҥ бе?~ Иисус Христос. Ол теҥериде јадып јат. Ол удабастаҥ јерде јадып турган ончо улусла башкарар! Иисус бастыра телекейле Каан болуп башкарза, бис ырысту болорыс па, сен канайып бодойдыҥ?~

Эйе, бис сӱреен ырысту болорыс! Райда улус база јуулашпас, олор бой-бойын сӱӱп јӱрер. Кем де оорубас ла ӧлбӧс. Сокорлор кӧрӧр, кулагы укпастар угар, базып болбой тургандар карын јӱгӱрип ле калып баштаар. Ончо улуста амтанду курсак арбынду болор. Тындулар биске најылар болуп калар, анайда ок бой-бойыныҥ да ортозында амыр-энчу јӱрер. Божоп калгандар ойто јӱрӱм јӱрер. Бу бичикте бичилген улус, темдектезе, Реве́кка, Раа́в, Илья́ ла Дави́д база тирилер. Сен олорды кӧрӧргӧ кӱӱнзейдиҥ бе?~

Иегова сени сӱӱп турган, сени ырысту болзын деп, кӱӱнзеп јат. Сен Иегова керегинде оноҥ ло ары билип, Оныҥ сӧзин угуп јӱрзеҥ, јараш райда ӱргӱлјиге јӱрер аргалу болорыҥ! Сен мынайда јӱрерге кӱӱнзейдиҥ бе?~