06 УРОК
Јӱрӱм кайдаҥ табылган?
Кудай — ончо тынар-тындуга јӱрӱм берген (Сарын 36:9). Слер бого бӱдедеер бе? Кезик улустыҥ санаазыла болзо, јӱрӱмди кем де јайабаган, ол бойы табылган. Бу чын ла андый болзо, кижиниҥ јӱрӱминде кандый да учуры јокa. Је јӱрӱмди Кудай јайаган болордо, ол оны кандый да амадулу јайаган болор. Айдарда, јӱрӱм кайдаҥ табылганы керегинде Агару Бичикте не айдылат деп кӧрӱп ийектер. Анайда ок бу бичикке нениҥ учун бӱдерге јараар деп билип аларыс.
1. Вселенный кайдаҥ табылган?
Агару Бичикте: «Баштап Кудай теҥерини ле јерди јайаган» — деп айдылат (Башталганы 1:1). Кӧп учёныйлар Вселенныйды та кем де јайаган деп јӧпсинип јат. Кудай мыны канайып јайаган? Вселенныйда ончо јылдыстарды, галактикаларды ла планеталарды ол бойыныҥ агару тыныла јайаган. Агару тынныҥ болужыла Кудай ончо немени эдип јат (Башталганы 1:2).
2. Кудай јерди нениҥ учун јайаган?
Иегова Јерди «тегин јерге јайабаган, анда улус јатсын деп јайаган» (Исайя 45:18). Кудай јерди — улуска јакшы, эптӱ, јараш тура болзын деп кӱӱнзеген. (Исайя 40:28 ле 42:5 кычырыгар.) Наукала болзо, јерге тӱҥей планеталар јок. Јӱрӱмге керектӱ неме јӱк ле бистиҥ Јерде бар.
3. Кижи тындулардаҥ незиле башка?
Иегова јерди јайап, ончо тынар-тындуга јӱрӱм берген. Озо баштап ол ӧзӱмдерди ле тындуларды јайаган. Оноҥ Кудай бойына кеберлеш эдип, кижини јайаган. (Башталганы 1:27 кычырыгар.) Кижи тындулардаҥ незиле башка? Кижи Кудайга кеберлеш болордо, ол Кудайдыҥ кылык-јаҥдарын кӧргӱзер аргалу. Темдектезе, сӱӱшти ле справедливостьты. Анайда ок кижи тилдер ӱренер аргалу, кандый бир немеге сӱӱнип, оны баалаар аргалу эмезе кӱӱни јакшызынып угар аргалу. Бого ло коштой кижи тындуларга кӧрӧ, Кудайды сӱӱп ле тооп, ого бажырар аргалу.
ТЕРЕҤЖИДЕ КӦРӰГЕР
Јӱрӱм јайалган деп кандый керелер бар? Ончо немени Кудай јайаган деп Агару Бичиктиҥ сӧстӧрине нениҥ учун бӱдерге јараар? Улустыҥ кылык-јаҥы Кудай керегинде нени айдат?
4. Јӱрӱмди Кудай јайаган
Улус не-немени ар-бӱткеннеҥ кӧрӱп эделе, Кудайды мактаардыҥ ордына, бойлорын макка чыгарат. Је чынынча болзо, олор оны кемнеҥ кӧрӱп эткен? ВИДЕОНЫ кӧрӱп, суракты шӱӱжип ийигер:
Улус ар-бӱткеннеҥ нени кӧрӱп эткен?
Кажы ла тура бойы тудулып калбай јат, оны та кем де тудат. Андый болордо, ар-бӱткенди кем јайаган? Еврейлерге 3:4 кычырып, сурактарды шӱӱжип ийигер:
Кудайдыҥ јайаандарынаҥ слерди не кайкадат?
Вселенныйды ла ондо бар ончо немени та кем де јайаган деп, нениҥ учун бӱдерге јараар? Јартап беригер.
Слер билереер бе?
Бу тема аайынча jw.org сайттаҥ, «Бу ончо неме бойы табылган ба?» ла «Јӱрӱмниҥ табылганы керегинде улустыҥ санаа-шӱӱлтези» деген рубрикалардаҥ кӧп статьялар ла видеолор табып аларга јараар.
«Кажы ла тураны кем де тудуп јат эмей, је ончозын тудаачы — Кудай»
5. Ончо немени Кудай јайаган деп Агару Бичиктиҥ сӧстӧрине бӱдерге јараар
Агару Бичиктиҥ Башталганы деп бичигиниҥ 1-кы бажалыгында, Јерди ле јӱрӱмди кем јайаган деп бичилет. Бу сӧстӧргӧ бӱдерге јараар ба эмезе бу улустыҥ сананып тапканы ба? ВИДЕОНЫ кӧрӱп, сурактарды шӱӱжип ийигер:
Агару Бичик, Јер ле андагы ончо неме алты ла кӱнге јайалган деп ӱредет пе?
Ончо немени чын ла Кудай јайаган деп, Агару Бичикте бичилгенине бӱдерге јараар ба? Јартап беригер.
Башталганы 1:1 кычырып, суракты шӱӱжип ийигер:
Ученыйлардыҥ айтканыла болзо, Вселенный јаантайын болбогон, оныҥ табылган ӧйи бар. Мындый кӧрӱм-санаа Агару Бичиктиҥ сӧстӧрине келижет пе? Јартап беригер.
Кезик улус Кудай ончо тынар-тындуны эволюцияныҥ болужыла јайаган деп сананат. Башталганы 1:21, 25, 27 кычырып, суракты шӱӱжип ийигер:
Кудай озо баштап простейший формалу јӱрӱм јайап саларда, олор балыктарга, тындуларга ла кижиге эволюционировать эткен бе? Эмезе Кудай «јӱзӱн бӱдӱмдӱ» тынар-тындуны бир ле уунда јайап салган ба?
6. Кижи — Кудайдыҥ кайкамчылу јайааны!
Кудай улусты тындулардаҥ башка эдип јайаган. Башталганы 1:26 кычырып, суракты шӱӱжип ийигер:
Кудай бисти бойына кеберлеш эдип јайаган болордо, бистиҥ сӱӱр ле килеер аргалу болгоныс Кудай керегинде нени айдат?
КЕЗИК УЛУС АЙДАТ: «Ончо немени Кудай јайаган деп Агару Бичикте бичилгени — ол чӧрчӧк».
Слер канайып сананадаар? Јартап беригер.
ТӦС ШӰӰЛТЕЗИ
Вселенныйды ла Јердиҥ ӱстинде јӱрӱмди Иегова јайаган.
Нени билип алдыгар?
Вселенныйдыҥ табылганы керегинде Агару Бичикте не айдылат?
Кудай ончо немени эволюцияныҥ болужыла јайаган ба?
Нениҥ учун кижи Кудайдыҥ кайкамчылу јайааны болот?
ШИҤДЕЙТЕН МАТЕРИАЛ
Ар-бӱткеннеҥ Јайаачы бар деп кӧрӱнет.
«Ар-бӱткеннеҥ неге ӱренедис?» («Ойгоныгар!», 2006 јыл, сыгын ай)
Кудай Јерди канайып јайаганын балага канайып јартап берерин билип алыгар.
Агару Бичикте эволюция керегинде айдылып турган ба деп билип алыгар?
«Кудай ончо немени эволюцияныҥ болужыла јайаган ба?» (веб-статья)
Палеонтологический летопись ле научный шиҥжӱлерле болзо, јӱрӱм бойы табылган ба эмезе оны Кудай јайаган ба?
«У истоков жизни. Пять вопросов, которые требуют ответа» (брошюра)
a Кудай улусты нениҥ учун јайаган деп, 25 уроктоҥ билип аларыгар.