Тӧгӱн кудай јаҥ Кудайды канайып јамандайт?

Кудай — ол сӱӱш. Андый болзо, кӧп кудай јаҥдар бойлорын Кудайдыҥ улузы деп аданып, нениҥ учун коркышту јаман керектер эдип турган? Кыскарта айтса, олор улуска Кудай керегинде чындыкты ачпай, тӧгӱн немеге ӱредет. Олор улусты канайып тӧгӱндейт? Кудай олорго канайып кӧрӧт? Тӧгӱн кудай јаҥдарла не болор?

1. Тӧгӱн кудай јаҥдар бойыныҥ ӱредӱлериле Кудайды канайып јамандайт?

Тӧгӱн кудай јаҥдар «Кудайдыҥ чындыгын меке-тӧгӱнге солыгандар» (Римдегилерге 1:25). Темдектезе кӧп кудай јаҥдар Кудайдыҥ адын ачпай јат. Је Агару Бичикле болзо, Кудайга оныҥ адын аданып баштанар керек (Римдегилерге 10:13, 14, ЈТ). Кандый бир тӱбек эмезе јеткер боло берзе, кудай јаҥныҥ башчылары: «Ол Кудайдыҥ табы андый болгон» — деп айдыжат. Је бу кӧк тӧгӱн ӱредӱ. Кудай качан да јаман этпей јат. (Иаков 1:13 кычырыгар.) Је кӧп улус мындый тӧгӱнге бӱделе, Кудайга бӱтпей барат.

2. Тӧгӱн кудай јаҥдар бойыныҥ керектериле канайып Кудайды јамандайт?

Тӧгӱн кудай јаҥдар улуска Иегова чылап баштанбай јат. Агару Бичикте: «Оныҥ кинчектери теҥериге јетти» — деп айдылып калган (Ачылта 18:5). Канча јылдардыҥ туркунына олор политикага кирижип, јуу-согуштарга јӧмӧжип јат. Мынаҥ улам олор канча миллион улустыҥ ӧлӱминде бурулу. Кезигинде олор бойлоры турушпай турган да болзо, је јуу-согушты јарадып турганынаҥ улам, кӧп улустыҥ каны тӧгӱлген. Тӧгӱн кудай јаҥныҥ кезик башчылары бай јадарга сӱӱп јат, оныҥ учун олор бойлорыныҥ улузынаҥ акча некейт. Мындый керектеринеҥ олор Кудайды чек билбес деп кӧрӱнет. Олордо Кудайдыҥ адынаҥ ӱредетен јаҥ да јок. (1 Иоанн 4:8 кычырыгар.)

3. Кудай тӧгӱн кудай јаҥдарга кандый кӧрӱмдӱ?

Тӧгӱн кудай јаҥдардыҥ керектери слерге јарабай турган болордо, а Иегова Кудай олорды кӧрӱп нени сезет? Иегова улусты сӱӱп јат, а тӧгӱн кудай јаҥныҥ башчылары улусты тӧгӱн немеге ӱредип, олорго коркышту јаман баштанып јат. Мынаҥ улам Иегованыҥ чугулы кайнайт. Удабас Иегова тӧгӱн кудай јаҥды јоголтып салар. «Оны [база] кем де таап болбос» — деп сӧзин берет (Ачылта 18:21). Кудай ончо тӧгӱн кудай јаҥдарды јажын-чакка јоголтып салар (Ачылта 18:8).

ТЕРЕҤЖИДЕ КӦРӰГЕР

4. Кудай ончо кудай јаҥдарды јарадат па?

Кӧп улустыҥ санаазыла болзо, ӱзе кудай јаҥдар бир Кудайга апарып јат? Је ол чын ла андый ба? Матфей 7:13, 14 кычырып, суракты шӱӱжип ийигер:

• Агару Бичикле болзо, кандый јол јӱрӱмге апарат?

ВИДЕОНЫ кӧрӱп, суракты шӱӱжип ийигер.

ВИДЕО: «Кудайга ончо кудай јаҥдар јарап турган ба?» (ӱзӱги) (3:22)

• Кудайга ончо кудай јаҥдар јарап турган деп, Агару Бичик ӱредет пе?

5. Тӧгӱн кудай јаҥ Кудайдыҥ сӱӱш керегинде јасагын бузып јат

Тӧгӱн кудай јаҥдар Кудайды јамандап јат. Кудайды јамандап турганы анчада ла јуу-согуштарда туружып турганынаҥ кӧрӱнет. ВИДЕОНЫ кӧрӱп, сурактарды шӱӱжип ийигер.

ВИДЕО: «Экинчи телекейлик јуу-согушта серкпелердиҥ турушканы» (2:22)

• Кӧп серкпелер Экинчи телекейлик јуу-согушта нени эткилеген?

• Бу серкпелер керегинде слер нени сананадаар?

Иоанн 13:34, 35 ле 17:16 кычырыгар. Оноҥ бу сурактарды шӱӱжип ийигер:

• Слер канайып сананадаар, кудай јаҥдар јуу-согуштарда туружып турза, Иеговада кандый сезимдер болот?

• Тӧгӱн кудай јаҥ коркышту јаман керектерде бурулу. Слер кудай јаҥдар Кудайдыҥ сӱӱш керегинде јасагын бузып турганын кӧргӧнӧӧр бӧ?

6. Кудай улусты тӧгӱн кудай јаҥныҥ кулдары болбозын деп кӱӱнзейт

Ачылта 18:4a кычырып, суракты шӱӱжип ийигер:

• Кудай улусты тӧгӱн кудай јаҥдардаҥ чыгарып аларга турганын билип, слер нени сезедеер?

7. Чындык Кудай керегинде оноҥ ло ары билгирлер алыгар

Тӧгӱн кудай јаҥдардыҥ керектерин кӧрӱп, Кудай керегинде јаман айдарга јараар ба? Сананып ийзеер де: уулы адазыныҥ сӧзин укпай, айлынаҥ јӱрӱп, балыр јӱрӱм јӱрет. Је адазы уулыныҥ кылыгын јаратпай јат. Мында адазы бурулу деп айдарга јараар ба?

• Тӧгӱн кудай јаҥныҥ керектеринде Иегованы бурулаарга јараар ба? Тӧгӱн кудай јаҥныҥ керектери слерге Иегова керегинде оноҥ ло ары билгирлер аларга, нениҥ учун буудак болбос учурлу?

ТӦС ШӰӰЛТЕЗИ

Тӧгӱн кудай јаҥ бойыныҥ ӱредӱлериле, коркышту јескинчилӱ керектериле Кудайды јамандап јат. Кудай тӧгӱн кудай јаҥдарды јоголтып салар.

Нени билип алдыгар?

• Тӧгӱн кудай јаҥныҥ керектери ле ӱредӱлери керегинде слер нени сананадаар?

• Иегова тӧгӱн кудай јаҥдарга кандый кӧрӱмдӱ?

• Иегова тӧгӱн кудай јаҥдарла нени эдип салар?

ШИҤДЕЙТЕН МАТЕРИАЛ

Кӧп саба кудай јаҥдар Кудайды јамандап јат.

«Слер кандый кудай јаҥга јӱрӱп турганаарда башказы бар ба? Ончо кудай јаҥдар Кудайга апарат па?» (веб-статья)

Иегова бисти нениҥ учун ого јаҥыскан бажырзын деп эмес, је оны сӱӱп турган улусла кожо бажырзын деп кӱӱнзейт?

«Кудайга бӱдерге турган болзоҥ, кандый бир кудай јаҥга кирер керек пе?» (веб-статья)

Бир абыс бойыныҥ кудай јаҥына алаҥзып баштаган. Је андый да болзо, ол чындык Кудайды оноҥ ло ары бедиреген.

«Абыс нениҥ учун серкпезинеҥ чыгып калган?» («Ойгоныгар!», 2015 јыл, кочкор ай)

Кудай јаҥдар канча чактарга Кудай керегинде тӧгӱн немеге ӱреткен. Мынаҥ улам Кудай улусты керексибей турган, калју-казыр деп билдирип баштаган. Агару Бичик бу тӧгӱн деп канайып кӧргӱзет?

«Тӧгӱннеҥ улам Кудайды сӱӱрге кӱч болот» («Каруулчы шибее», 2013 јыл, кӱчӱрген ай 1)