14 УРОК

Кудай кандый кудай јаҥды јарадат?

Кепке базылган чыгарма

Бис ӧткӧн уроктоҥ Кудай тӧгӱн кудай јаҥдарды јаратпай турган деп билип алганыс. Је андый да болзо, Кудайга јараар эдип бажыратан арга бисте тӱҥей ле бар (Иаков 1:27). Ого канайып бажырар керек? Каруузын Агару Бичиктеҥ билип аларыс.

1. Кудайга бажырары неге тӧзӧлӧнӧр учурлу?

Бис Кудайга Агару Бичикте бичилгени аайынча бажырар учурлу. Иисус Кудайга баштанып, мынайып айткан: «Сениҥ сӧзиҥ — чындыктыҥ бойы» (Иоанн 17:17). Бастыра чындык Кудайдыҥ Сӧзинде, ӧскӧртӧ айтса, Агару Бичикте бичилип калган. Је андый да болзо, кезик улус Агару Бичиктеги чындыкты керексибей, оны бойыныҥ чӱм-јаҥдарына солып јат. Мынайып улус Кудайдыҥ јакылтазын јектеп турза, Иегова тыҥ ачынып јат. (Марк 7:9 кычырыгар.) Је бис Агару Бичикте бичилгени аайынча Кудайга бажырып турзаас, Иегованыҥ јӱрегин сӱӱндиредис.

2. Кудайга канайып бажырар керек?

Иегова бистиҥ Јайаачыбыс. Оныҥ учун биске јӱк ле ого бажырар керек (Ачылта 4:11). Бу не дегени дезе, биске оны сӱӱп, јӱк ле ого бажырар керек. Је бажырарга, кандый да чалулар, сӱрлер ле јуруктар тузаланбазыс. (Исайя 42:8 кычырыгар.)

Бистиҥ бажырыш агару болор учурлу, анайда ок Кудайга јарап турган болор керек (Римдегилерге 12:1). Анайып бажырарга Кудайдыҥ нравственный нормаларыла јӱрер керек. Темдектезе, Иегованы сӱӱп турган улус оныҥ јасактарын бӱдӱрип, балыр, кирлӱ јӱрӱм јӱрбей јат. Анайда ок бойыныҥ эди-канын таҥкыла, наркотиктерле киртитпей јат, аракыны ӧйинеҥ ӧткӱре ичпей јатa.

3. Иеговага нениҥ учун улусла кожо бажырар керек?

Бистиҥ туштажулар кажы ла неделеде болуп јат. Туштажулар Иегованы јуунда мактайтан арга болуп јат (Сарын 111:1, 2). Темдектезе бис анда јараш кӱӱлӱ кожоҥдор кожоҥдойдыс. (Сарын 104:33 кычырыгар.) Иегова бисти јуунныҥ туштажуларына јӱрзин деп кӱӱнзейт, нениҥ учун дезе ол бисти сӱӱп јат. Анайда ок јуунныҥ туштажулары јажын-чакка јӱрерге белетенетен јакшы арга болуп јат. Бис кожо јуулыжып турзаас, бӱдӱп турганысты тыҥыдып јадыс ла бой-бойыстыҥ кӱӱн-санаабысты кӧдӱрип јадыс.

ТЕРЕҤЖИДЕ КӦРӰГЕР

Иегова сӱрлер тузаланарын нениҥ учун јаратпай јат? Кудайды канайып мактаарга јараарын билип алыгар.

4. Кудайга бажырарга сӱрлер тузаланбас керек

Кудай сӱрлер тузаланарын јаратпай турган деп, бис кайдаҥ билерис? ВИДЕОНЫ кӧрӱп, суракты шӱӱжип ийигер:

ВИДЕО: «Кудай сӱрлер тузаланарын јарадып турган ба?» (3:26)

Јуруктар: 1) Израильтяндар Синай кырдыҥ јанында алтын чалуга бажырып јат; 2) Эр кижи Дева Марияныҥ чалузыныҥ алдына четка тудунып алган мӱргӱп јат.

Кезик улус чалу эдип алала, Кудайга бажырарда не болгон?

Кезик улустыҥ санаазыла болзо, Кудайга бажырарга сӱрлер тузаланза, олор Кудайга јуук болуп калар. Је чынынча болзо, анайып олор Кудайдаҥ ыраап јат. Нениҥ учун? Чыгыш 20:4—6 ла Сарын 106:35, 36 кычырып, сурактарды шӱӱжип ийигер:

Улус Кудайга бажырарга кандый чалулар эмезе сӱрлер тузаланат?
Иеговага бу јарап турган ба?
Кудайга бажырарга сӱрлер тузаланары керегинде нени сананадаар?

5. Бис јӱк ле Иеговага бажырып турган болзоос, тӧгӱн ӱредӱлердеҥ ле чӱм-јаҥдардаҥ айрыладыс

Иегова керегинде чындык тӧгӱн ӱредӱлердеҥ канайып јайымдап турганын билип алыгар. ВИДЕО кӧрӱгер.

ВИДЕО: «Чындык мени јайымдаган» (5:16)

Сарын 91:14 кычырып, суракты шӱӱжип ийигер:

Бис Иегованы сӱӱп, јӱк ле ого бажырып турзаас, биске кандый алкыштар берилер?

6. Бис Кудайга јуунныҥ туштажуларында бажырадыс

Јуунныҥ туштажуларында бис Иегованы мактап јадыс, анайда ок кожоҥдорысла, јартамалдарысла бой-бойыстыҥ бӱдӱмјибисти тыҥыдадыс. Сарын 22:22 кычырып, сурактарды шӱӱжип ийигер:

Слерге јуунныҥ туштажузында улустыҥ јартамалдарын угарга јарап јат па?
Слер јартамал белетеп аларга кӱӱнзейдеер бе?

Јуруктар: «Агару Бичикти ӱренип турган кыс. Ол Кудайга оныҥ айтканы аайынча бажырарга ӱренет»: 1) Ол јуунныҥ туштажузында Иегованы мактап кожоҥдоп јат; 2) јуунныҥ туштажузында јартамал берет; 3) ол кызычакту ӱй кижиге видео кӧргӱзип јат .

7. Агару Бичиктеҥ билип алганысты улуска куучындап турзаас, Иегова сӱӱнип јат

Улуска чындыкты куучындайтан башка-башка аргалар бар. Сарын 9:1 ле 34:1 кычырып, суракты шӱӱжип ийигер:

Агару Бичиктеҥ билип алганаардаҥ, улуска нени куучындаар эдеер?

КЕЗИК УЛУС АЙДАТ: «Ончо кудай јаҥдар Кудайга апарат».

А слер канайып сананадаар?

ТӦС ШӰӰЛТЕЗИ

Бистиҥ Јайаачы Иегова Кудай бисти јӱк ле ого бажырзын, оны јуунныҥ туштажуларында мактазын, анайда ок Агару Бичиктеҥ билип алганын улуска куучындазын деп кӱӱнзейт.