Кудайга бастыра байрамдар јарайт па?

Иегова бисти јӱрӱмле јакшызынып, каа-јаада бойыска байрамдар эдип турзын деп кӱӱнзейт. Је ого бастыра байрамдар јарап јат па? Бу суракта оныҥ кӧрӱмин тооп турганысты бис канайып кӧргӱзерис?

1. Нениҥ учун Иегова кӧп саба байрамдарды јаратпай јат?

Слер кайкаар болороор, је кӧп байрамдар Агару Бичиктиҥ ӱредӱлерине келишпей турган эмезе олор тӧгӱн кудай јаҥдардаҥ таркаган. Бу байрамдар кӧрмӧстӧрлӧ колбулу болор аргалу эмезе кижиде сӱне бар деп ӱредӱге тӧзӧлӧнӧт. А кезик байрамдар, кижи кандый бир чӱм-јаҥды бӱдӱрбезе, оныла јаман та неде болуп калардаҥ айабас деп байланганыла колбулу. Оныҥ учун Иегова бойыныҥ ишчилерине айдат: «Олордыҥ ортозынаҥ чыгып... ару эмеске тийбегер» (2 Коринфтегилерге 6:17)a.

2. Иегова кижини макка чыгарып турган байрамдарга кандый кӧрӱмдӱ?

Иегова биске бойыныҥ Сӧзи ажыра кижиге иженгени кандый бир каршуга экелердеҥ айабас деп айдып јат. (Иеремия 17:5 кычырыгар.) Кезик байрамдар кандый бир башчыларга ол эмезе јуу-согуштарда алган јеҥӱлерге учурлап ӧткӱрилет. А кезик байрамдар јер-бойыныҥ мааныларына учурлап ӧткӱрилет эмезе ороонныҥ независимостьтине учурлалат (1 Иоанн 5:21). База да ӧскӧ байрамдар политический ле социальный организацияларды макка чыгарат. Је сананып ийзеер де: Иегованыҥ амадузына удура кандый бир ӱредӱлер таркадып турган кижини эмезе организацияны макка чыгарып турган болзоос, Иеговада кандый сезимдер болор эди?

3. Кандый кылык-јаҥ байрамды ӱреп салардаҥ айабас?

Агару Бичик аракыдап, јыргап јӱрерин јаратпай јат (1 Пётр 4:3). Кезикте байрамдарда улус бойлорын ӧйинеҥ ӧткӱре јайым тудунып, уйатту, јаман керектер эдет. Кудайдыҥ најызы болорго турган болзоос, биске бу кылык-јаҥдардаҥ тууралаар керек.

ТЕРЕҤЖИДЕ КӦРӰГЕР

4. Иегованы ачындырып турган байрамдарга турушпагар

Эфестегилерге 5:10 кычырып, сурактарды шӱӱжип ийигер:

• Кандый бир байрамды ӧткӱрер бе, јок по деп билип аларга не болужар?

• Слердиҥ јерде улус кандый байрамдар ӧткӱрет?

• Бу байрамдар Иеговага јарап турган ба, канайып сананадаар?

Темдектезе, чыккан кӱнди ӧткӱрерине Иегованыҥ кӧрӱми кандый деп сананганаар ба? Агару Бичикте Иегованыҥ ишчилери чыккан кӱнин ӧткӱрген деп кайда да айдылбаган. Је чыккан кӱнин ӧткӱрген Иегованыҥ ишчилери эмес эки кижиниҥ учуралы бар. Башталганы 40:20—22 ле Матфей 14:6—10 кычырып, сурактарды шӱӱжип ийигер:

• Бу эки учурал незиле тӱҥей?

• Бу эки учуралды кӧрзӧӧс, Иегова чыккан кӱнди ӧткӱрерине кандый кӧрӱмдӱ?

Је слер сананган болороор: «Мен чыккан кӱнди ӧткӱрип, ӧскӧ дӧ байрамдарга туружып турзам, Иегова бого јаан ла ајару этпей турган болбой?» Чыгыш 32:1—8 кычырыгар. Оноҥ ВИДЕОНЫ кӧрӱп, сурактарды шӱӱжип ийигер:

ВИДЕО: «Кудайга јарабай турган байрамдар» (5:07)

• Кандый бир байрам Иеговага јарап турган ба, јок по деп, нениҥ учун билип алар керек?

• Кудайдыҥ кӧрӱмин канайып билип алар?

Кандый бир байрам керегинде Кудайдыҥ кӧрӱмин канайып билип алар?

• Бу байрам Агару Бичиктиҥ ӱредӱлерине келижет пе? Байрамныҥ кайдаҥ табылганын билип алыгар.

• Бу байрам кандый бир кижини, организацияны эмезе јербойыныҥ мааныларын макка чыгарат па? Эҥ јаан макты јӱк ле Иегова алар учурлу, јӱк ле Иегова телекейдиҥ бастыра уур-кӱчтериниҥ аайына чыгар.

• Бу байрамныҥ чӱм-јаҥдары библиялык нормаларды буспай турган ба? Биске нравственный јанынаҥ ару артар керек.

5. Улуска слердиҥ кӧрӱмигерди тооп турзын деп болужыгар

ВИДЕО: «Бойыҥныҥ кӧрӱмиҥди тоомјылу јарта» (2:01)

Матфей 7:12 кычырып, сурактарды шӱӱжип ийигер:

• Бу ӱлгерле болзо, слерге Керечи эмес тӧрӧӧндӧрӧӧргӧ кандый бир байрамды ӧткӱрбезин деп айдар керек пе?

• Слер кандый бир байрамды јуук улузаарла кожо ӧткӱрбей де турган болзоор, олорды тыҥ сӱӱп ле баалап турганаарды канайып кӧргӱзереер?

6. Иегова бисти ырысту болзын деп кӱӱнзейт

Иегова бисти јуук улузысла, најыларысла ӧйди јакшы ла сӱӱнчилӱ ӧткӱрзин деп кӱӱнзейт. Экклезиаст 8:15 кычырып, суракты шӱӱжип ийигер:

• Иегова бисти ырысту болзын деп кӱӱнзеп турганы бу ӱлгердеҥ канайып кӧрӱнет?

Иегова бойыныҥ ишчилерин јӱрӱмге јакшызынып, ӧйди сӱӱнчилӱ ӧткӱрзин деп кӱӱнзейт. Мыны бис телекейлик курултайлардаҥ кӧрӧдис. ВИДЕОНЫ кӧрӱп, бу чын ла андый деп бӱдӱмјиленип алараар.

ВИДЕО: «Телекейлик курултайлар. Делегаттарды јылу уткыйдылар» (5:40)

Галаттарга 6:10 кычырып, сурактарды шӱӱжип ийигер:

• Јарлу байрамдар — улуска јакшыны эдетен сок јаҥыс арга ба?

• Слер недеҥ јаан сӱӱнчи аладаар: сыйды эдер керек ле дейле этсеер бе, эмезе акту кӱӱнеердеҥ этсеер бе?

• Иегованыҥ Керечилери балдарына кезикте солун байрамдар ӧткӱрип, сакыбаган јанынаҥ сыйлар эдет. Слерде балдар бар болзо, слер олорго кандый сый эдер аргалу?

ТӦС ШӰӰЛТЕЗИ

Иегова бисти тӧрӧӧн-тугаандарла, најыларла ӧйди сӱӱнчилӱ ле јакшы ӧткӱрзин деп кӱӱнзейт. Је оны ачындырып турган байрамдарга бисти турушпазын деп кӱӱнзейт.

Нени билип алдыгар?

• Кандый бир байрамга Иегованыҥ кӧрӱмин билип аларга кандый сурактар болужар?

• Тӧрӧӧндӧриске ле најыларыска байрамдар јанынаҥ кӧрӱмисти канайып јартаар керек?

• Иегова бисти ӧйди ырысту ла сӱӱнчилӱ ӧткӱрзин деп кӱӱнзеп турганы недеҥ кӧрӱнет?

ШИҤДЕЙТЕН МАТЕРИАЛ

Чын христиандар кандый байрамдарды ӧткӱрбей турганын билип алыгар.

«Иегованыҥ Керечилери нениҥ учун кезик байрамдарды ӧткӱрбей јат?» (веб-статья)

Чыккан кӱнди байрамдаары Кудайга нениҥ учун јарабай турганыныҥ тӧрт шылтагын билип алыгар.

«Иегованыҥ Керечилери нениҥ учун чыккан кӱнди ӧткӱрбей јат?» (веб-статья)

Иегованы сӱӱп турган јииттер байрамдардыҥ ӧйинде Кудайды канайып сӱӱндирер аргалу деп кӧрӱп алыгар.

«Иегова сени баалап јат» (11:35)

Миллиондор тоолу христиандар Рождествоны ӧткӱрбезис деп сананып алган. Нениҥ учун олор андый шӱӱлтеге келген?

«Олор эҥ артыгын таап алгандар» («Каруулчы шибее», 2012 јыл, јаҥар ай 1)