Улусты сананары

Библиялык принцип: «Сӱӱш... бойындыйын бедиребейт» (1 Кор. 13:4, 5).

Иисус нени эткен?

ВИДЕО: «Иисус ла самар ӱй кижи»

1. ВИДЕО кӧрӱгер эмезе Иоанн 4:6—9 кычырыгар. Оноҥ бу сурактарды шӱӱп сананыгар:

а) Иисус куучынды баштаардаҥ озо ајаруны неге эткен?
б) Нениҥ учун «Меге... суу бер» деген сӧстӧр куучын баштайтан јакшы арга болгон?

2. Куучынды улуска јилбилӱ теманаҥ баштазаар, јакшы куучын болордоҥ айабас.

3. Тапкыр болугар. Куучынды слерге јилбилӱ деп билдирип турган теманаҥ эмес, карын улуска јилбилӱ теманаҥ баштап туругар. Шӱӱп сананыгар:

а) «Бу јуукта солундарда не болгон?»
б) «Айылдаштар, кожо иштеп турган улус ла школдо балдар не керегинде куучындажат?»

4. Ајарып кӧрӱгер. Бойыгардаҥ сурагар:

а) «Эмди ол кижи нени эдип јаткан? Ол не керегинде сананып турган болор?»
б) «Кижиниҥ тыш-бӱдӱминеҥ эмезе айылынаҥ кудай јаҥы ла культуразы керегинде нени билип аларга јараар?
в) «Бу ӧйдӧ ол кижиге куучындажарга эптӱ болор бо?»

5. Лаптап угугар.

а) Ӧйинеҥ ӧткӱре кӧп куучындабагар.
б) Кижиге бойыныҥ кӧрӱмин айдатан арга берип туругар. Келишкедий болзо, сурактар беригер.

Матф. 7:12; 1 Кор. 9:20—23; Флп. 2:4; Иак. 1:19