Јеҥил ӱредери

Иисус нени эткен?

ВИДЕО: «Иисус Иегованыҥ улусты кичееп турганын куучындайт»

1. ВИДЕО кӧрӱгер эмезе Матфей 6:25—27 кычырыгар. Оноҥ бу сурактарды шӱӱп сананыгар:

1. а) Иегова улусты кичееп турган деп кӧргӱзерге, Иисус кандый тем тузаланган?

2. б) Иисус куштар керегинде кӧпти билген де болзо, олор керегинде нениҥ учун кӧп неме куучындабаган? Бу нениҥ учун јакшы эп-арга болгон?

Иисустаҥ неге ӱренедис?

2. Оҥдоорго јеҥил эдип ӱретсеес, кижи билип алганын сананып алат. Анайда ок оныҥ јӱрегин томултар болорыс.

Иисустаҥ тем алыгар

3. Ӧйинеҥ ӧткӱре кӧп куучындабагар. Ӱзе билер немегерди бир ле уунда куучындабагар, карын ајаруны ӱренетен материалда не берилгенине эдигер. Сурак берип ийген болзоор, кижи нени айдарын сакып алыгар. Кижи каруузын билбес болзо эмезе Агару Бичикке келишпей турган каруу берзе, ого ӧскӧ сурактар берип, чын шӱӱлтеге келерге болужаар. Ол тӧс шӱӱлтени оҥдоп алган болзо, оноҥ ары бӧлӱкке кӧчӱгер.

4. Јаҥы билгирлердиҥ ле оноҥ озо билип алганыныҥ колбузын оҥдоорго болужыгар. Темдектезе, тирилиш керегинде теманы баштаардаҥ озо, ӱренип турган кижинеҥ божогон кижиле не болуп турганы керегинде ол нени билерин кыскарта шӱӱжип ийерге јараар.

5. Темдерди тузаланардаҥ озо, шӱӱп сананыгар. Слерге мындый сурактар болужар:

1. а) Бу јеҥил тем бе?

2. б) Мениҥ ӱренип турган кижим оны оҥдоор бо?

3. в) Ол јӱк темниҥ бойын сананып алар ба эмезе тӧс шӱӱлтезин сананып алар ба?