Куучынды «Первое знакомство со Словом Бога» деген брошюраныҥ болужыла баштагар
1. Бис јарлаар ишке тузаланатан кандый бичик алганыс?
1 «Элдеҥ озо Кудайдыҥ Каандыгын бедирегер» деген регионныҥ курултайында, «Первое знакомство со Словом Бога» деп, брошюра чыгарылган. Јарлаар ишке куучын баштайтанын белетеп тура, бу јаҥы бичикле канайып тузаланарыс? Бу брошюрада Агару Бичиктиҥ ӱлгерлери башка-башка темаларла, «Рассуждение» деген бичикке тӱҥейлеп бӧлӱп салган, оныҥ учун оныла куучын баштаарга јеҥил.
2. «Первое знакомство со Словом Бога» деген брошюраны јарлаар иште канайып тузаланарыс?
2 Темдектезе, мындый сурак талдап, мынайда айдарга јараар: «Бис улусла кыскарта: „Улустыҥ кыйын-шыраазында Кудай бурулу ба?“ деген, кӧп улус сананып турган, суракты шӱӱжедис. [Кезик учуралдарда кижиге суракты кӧргӱзип берзе торт.] Слер нени сананып туругар? [Каруузын ук.] Бу суракка Агару Бичик толо кару берип јат». Берилген ӱлгердиҥ бирӱзин де болзо, Агару Бичиктеҥ кычырып, јартажып ий. Куучындажып турган кижи јилбиркеп турза, бу брошюраныҥ бажалыгындагы 20 суракты кӧргӱзип, келер туштажуда бу сурактардыҥ кандыйын јартажып ийерге кӱӱнзейдер деп сура. Эмезе, сен бу теманы тереҥжиде јартап турган ӱренетен бичик артыргызып салар аргалу.
3. Христиан јаҥды јаҥдабай турган улусла куучындажып баштаарга, «Первое знакомство со Словом Бога» деген брошюраны канайып тузаланарыс?
3 Христиан јаҥды јаҥдабай турган улусла куучындажып турган јерде, анчада ла 4-чи ле 13–17-чи сурактар јаан тузалу болор. Темдектезе, 17-чи сурактагы јетирӱни тузаланып, мынайда айдарга јараар: «Бӱгӱн бис билениҥ кӱчтери керегинде куучындажадыс. Бистиҥ кӱндерде билелерге јеҥил эмес болгоны ла слер јӧп пӧ? [Каруузын ук.] „Ӱйи ӧбӧӧнин тереҥ тооп турзын“ деген јӧп кӧп билелерге болужып јат. [Бу сӧстӧр Ефестегилерге 5:33-теҥ алынган деп айтпаска да јараар. Эмезе сен ӱй кижиле куучындажып турзаҥ, Ефестегилерге 5:28-те бичилген сӧстӧрди айдаарга јараар.] Бу берилген јӧпти тузаланганы, билени тыҥыдып болор бо деп, слер нени сананып тураар?
4. Христиан јаҥды јаҥдабай турган улусла куучындашкан кийнинде нени эдерге јараар?
4 Куучынныҥ кийнинде ол кижиле ойто јолугыжып ийерге куучындажып ал. Слердиҥ јарташкан сурагардыҥ ӧскӧ ӱлгерин жӱӱжип ийерге јараар. Келишкен ӧйдӧ, куучындажып турган кижиге, бу ойгор сӧстӧр Агару Бичиктеҥ алынган деп айт. Алдындагы куучындарды ла ол кижиниҥ Агару Бичикке кӧрӱмин ајаруга алып, сениҥ санааҥла, ого јилбилӱ болгодый бичикти берип кӧр. («Бистиҥ агару ижибис» јаҥар айдыҥ 2013 јылдыҥ, вкладышты кӧр.)