Јарлаар иштиҥ темигӱзин тыҥыдадыс. Агару Бичикти ӱренерин канайып баштаар
Бу нениҥ учун керектӱ. Бистер ӱренчиктер белетеерге Кудайдыҥ Сӧзиниҥ ӱредӱчилери болор учурлу (Матф. 28:19, 20). Бис Агару Бичикти шӱӱжерге бойыстыҥ белетеген пландарысла баштапкы ла јолуккан тушта улусты чындыкка једимдӱ ӱредер аргалу. Эптӱ болзо, олорло тузаланыгар.
Айдыҥ туркунына берилген јӧп:
Агару Бичикле ӱредӱ ӧткӱрер кӱӱн келзин деп мӱргӱ. Анайда ок ӱредӱ баштаарына ла чындыкка улусты јакшы ӱредерге Иегованаҥ болуш сура (Флп. 2:13).
Куучын баштаар арганы таҥынаҥ ӱренер ӧйдӧ эмезе билелик бажырыштыҥ ӧйинде ундыбаска белетеп ал. Анайып сен куучынды бӱдӱмјилӱ баштап, Агару Бичикти ӱренерин баштаар болорыҥ.