Ченемели кӧп јарчылардаҥ ӱренигер
Бис бойыстыҥ јуундарыста ченемелдӱ јарчыларды бийик баалап јадыбыс. Кезик јарчылар Иеговага кӧп јылдардыҥ туркунына чындык иштейдилер. Кезиктериниҥ јарлаар иште тузалу темигӱлерге ӱренгени јаан удабаган. Бу јарчылардыҥ ончозы, Иисус калганчы кӱндерде јарлаар ишти ле ӱренчиктер белетеерин башкарып турганыныҥ керечилери болуп јат (Матф. 28:19, 20). Мындый ишке туружып, олор кӱчтерге ле ченелтелерге табартканда «артыкташкан кӱч» алып јадылар (2 Кор. 4:7). Бу ченемелдӱ јарчылардаҥ кӧп немеге ӱренип аларга јараар. Олор ченемелиле бойлоры кӱӱнзеп ӱлежет (Ср. 71:18). Оныҥ учун бистерге олордоҥ ӱренер арга бедиреер керек. Мыны канайып эдер?
Јарлаар иште. Эпчил јарчылар болорго јаҥы эмезе ченемели ас јарчыларга ӱредӱ керек. Јарлаар иште ченемелдӱ јарчылар канайып туружып турганын кӧрӱп, кӧп немеге ӱренип аларга јараар. («Подражайте Христу, проявляя смирение и сострадание» (bw555) деген брошюрада, «Сохраняйте рвение в служении» деп јӧрмӧлдӧги, «Помогайте менее опытным» деген бӧлӱктиҥ 3 абз. кӧр.) Мындый јарчыларла кожо иштеп, сен неге ӱренип алдыҥ?
Ченемелдӱ јарчыла јарлаар ишке барарга куучындажып ал. Бу јарчыныҥ су-кадыгы комой болзо, сен Агару Бичикти ӱренерин кезикте оныҥ айылында ӧткӱрип болорыҥ ба? Ӱредӱниҥ кийнинеҥ неге ајару эткениле ӱлежип, сеге јӧп берзин деп сура.
Олорло кожо болуп тур. Ченемелдӱ јарчыларла куучындажып турзаҥ, олорды јакшы билип аларыҥ. Олордыҥ бир-бирӱзин билелик бажырышка кычырып, интервью ал. Јарчыныҥ су-кадыгы комой болзо, сен билелик бажырышты оныҥ айылында ӧткӱрип болорыҥ ба? Чындыкла ол канайып танышкан? Ол кандый алкыштар алган? Јуун канайып ӧскӧн? Иеговага иштеп тура ол кандый сӱӱнчи алганын сурап ук.
Кӧп неме сакыбай, олорды оҥдоп тур. Канайып бистерде де анайып узак иштеген јарчыларда да јарлаар иште башка-башка јайалталар бар (Рим. 12:6—8). Је ченемелдӱ јарчылардыҥ кезигиниҥ јажы јаанай бергенинеҥ улам, олор бисле кӧп ӧй ӧткӱрип болбос. Андый да болзо, Иеговага иштееринде олор байлык ченемелдӱ, оныҥ учун бис олордоҥ кӧп немеге ӱренип алар аргалу.