Ӱредерине керектӱ јепселдер
1. Христиан јарчылар ус улуска незиле тӱҥей?
1 Ус улус узанып јатса, башка-башка јепселдерле тузаланып јат. Јепселдердиҥ кезиктери аҥылу иште керектӱ болот, је кезиктери јаантайын тузаланылат. Ченемелдӱ ус улус керектӱ јепселдерин бойында тудат ла олорло сӱрекей јакшы узанып билер. Агару Бичик «эткен кереги учун уйалары јок... ишчи» болорго кажы ла христианды јарлаар иште албадаҥкай болзын деп, кычырат (2 Тим. 2:15). Бисте кандый јепсел эҥ ле керектӱ? Ӱренчиктер белетеерге јаантайын тузаланып турган јепсел — Кудайдыҥ Сӧзи (Матф. 28:19, 20). Оныҥ учун биске оныла тузаланып билерге ле чындыкты чын эдип куучындаарга албаданар керек. Је бисте јаантайын тузаланып турган ӧскӧ дӧ јепселдер бар. Анайдарда ончо христиандарга олорло канайып тузаланатанын ӱренип алар керек (Укаа 22:29).
2. Бисте ӱредерине керектӱ аҥылу кандый јепселдер бар?
2 Ӱредерине керектӱ аҥылу јепселдер. Агару Бичиктеҥ ӧскӧ биске база кандый јепселдерле тузаланар керек? Бистерде кезик јепселдер бар. Темдектезе, Агару Бичикти ӱренерине белетелген пландар болор аргалу. Бистиҥ аҥылу јепселдерге кезик брошюралар база кирет. Агару Бичикти ӱренип баштайтан брошюралардыҥ бирӱзи — «Первое знакомство со Словом Бога». Ӱренип турган кижиге библиялык башкару јетирӱлерди јӱрӱминде тузаланзын деп болужарга «Сохраняйте себя в Божьей любви» деген бичикти оноҥ ло ары тузаланарыс. Бистиҥ јерде јаман кычырып турган эмезе ӧскӧ тилге куучындап турган улус бар болор. Бу тилге бичиктер ас эмезе чек јок болордоҥ айабас. Мындый учуралдарда «Кудайдыҥ Сӧзин ук» эмезе «Кудайдыҥ Сӧзин угуп, ӱргӱлјиге јӱр» деген брошюраларды тузаланарга јараар. Ӱренип тургандарды Иегованыҥ организациязына баштандырарга болужатан база бир керектӱ јепсел «Иегованыҥ табын бӱгӱн кем бӱдӱрет?» деп брошюра. Ӱренчиктер белетеерине керектӱ болуп турган јепселдерге «Нениҥ учун Агару Бичикти ӱренер керек?» ле «Каандыктыҥ Туразында не болуп турган?» деген кӧрӱлмелер кирип јат. Бистерге олорло тузаланып билер керек.
3. «Бистиҥ Агару ижибис» бистерге канайып болужар?
3 Мынаҥ ары чыгатан «Бистиҥ агару ижибисте» ӱредерине керектӱ аҥылу јепселдерле канайып јакшы эдип тузаланатаны шӱӱп кӧрӱлер. Берилер јӧптӧрди тузаланарга албаданып, бис Павелдиҥ Тимофейге: «Бойыҥа ла ӱредӱге ајарыҥкай бол, мында турумкай бол. Анайда эдип, бойыҥды да, сени угуп турган улусты да аргадап аларыҥ» — деп, айткан сӧстӧри аайынча јӱрерис (1 Тим. 4:16).