«Эти слова „должны быть в твоем сердце“»

Ада-энелер кӱдӱчилердий чылап, балдарын јакшы кичеер керек, нениҥ учун дезе балдар јолдоҥ туура чыга береле кемниҥ де јеми (добыча) болуп калардаҥ айабас (Укаа 27:23). Ада-энелер мындый молјузын канайып бӱдӱрер аргалу? Балдарыныҥ санаазында ла јӱрегинде не барын билип аларга, олорло кажы ла кӱн куучындажып турарга ӧй табар керек (Укаа 20:5). Анайда ок балдарыныҥ бӱткенин тыҥыдарга, ада-энелер оны отко кӱйбес материалдардаҥ тудар керек (1 Кор. 3:10—15). Мынайып эдерге билелик бажырышты улам сайын ӧткӱргени јаан болуш јетирет, оныҥ учун «Эти слова „должны быть в твоем сердце“» деген фильмды бастыра билеле кӧрӱп, мындый сурактарды шӱӱп кӧргӧни јакшы болор эди.

1) Роумандардыҥ билезинде ич-кӧгӱс керектер канайып экинчи јерде болуп калган? 2) Роуман акага билелик бажырышты орныктырарга нениҥ учун келишпеген? 3) Балдарды таскадарга кандый ич-кӧгӱс сӧстӧр эҥ јакшы болужат? (Јаҥ. так. 6:6, 7). 4) Биледе јаантайын јакшы куучындажып турарга нени эдер керек? 5) Балдар ада-энелердеҥ нени сакып јадылар? 6) Бэрроулардыҥ билези Роумандардыҥ билезине канайып јакшы салтарын јетирген? (Укаа 27:17). 7) Билелик бажырыш амадузына једип турзын деп, билениҥ бажы канайып белетенер учурлу? 8) Роуман ака билезиниҥ колбуларын тыҥыдарга нени эткен? 9) Билелик бажырышты нениҥ учун аайлу-башту ӧткӱрер керек? (Еф. 6:4). 10) Билелик бажырыш јилбилӱ болзын деп, нени эдер керек? 11) Роуман ака Маркуска нениҥ учун чын керектер эдер керек деп канайып табылу, је чике эдип айткан? (Иер. 17:9). 12) Ребеккага Джастинле најылажары јанынаҥ чын чечимге (решение) келерге ада-энези канайып болушкан? (Мар. 12:30; 2 Тим. 2:22). 13) Роуман ака ла эје јӱрӱмин солуп, Кудайга бӱдӱп турганын канайып кӧргӱскен? (Матф. 6:33). 14) Бу фильм кажы ла билениҥ бажына јуук улузын ич-кӧгӱс јанынаҥ кичеери јаан учурлу деп, канайып кӧргӱзет? (1 Тим. 5:8). 15) Сен билениҥ бажы болуп, нени эдерге бек шӱӱп алдыҥ?

КАЖЫ ЛА БИЛЕНИҤ БАЖЫНА АЈАРУ. Бу театрализованный тургузу 2011 јылда регионныҥ курултайында кӧргӱзилген болгон. Слер ол ӧйдӧ билелик бажырышты тыҥыдар керек деп, ајаруга алганар ба? Бӱгӱнги кӱнде? Эйе болзо, мӱргӱп, билеҥниҥ ӱргӱлји ырызы учун солунталар эт деп, сурап турубыс (Еф. 5:15—17).