Јарлаар иштиҥ темигӱлерин тыҥыдадыс. Ӱренип тургандарга ӱренерине керектӱ темигӱлерлӱ болзын деп канайып болужар
Бу нениҥ учун керектӱ. Агару Бичикти ӱренип тургандар ич-кӧгӱзи тереҥ болзын деп, бойыныҥ санаазын ла јӱрегин Кудайдыҥ Сӧзиниҥ јӱк ле тӧс ӱредӱлериле азыраганы ас болот (Евр. 5:12—6:1). Мынайып ӱренерине кӧп ийде-кӱч керек. Оныҥ учун билер билгирлеристи јаҥы јетирӱлерле колбоштырып, оныҥ тузазын кӧрӱп турар керек (Укаа 2:1—6). Ӱренип тургандар шиҥдеерине ӱренип алза, библиялык сурактардыҥ карууларын христиан бичиктердиҥ болужыла берер аргалу болор. Олор билип алганын тузаланарга албаданып, христиан јолдо туштаар ченелтелерди ӧдӱп чыгар (Лука 6:47, 48).
Айдыҥ туркунына берилген јӧп:
Планды ӱренип божойло, ӱренип турган кижини бӱгӱн нени билип алганын тоолу эрмекле куучындап берзин деп сура. Сенде ӱредӱ ӧткӱрип турган кижи јок болзо, Агару Бичиктиҥ ӱзӱгин, эмезе ӱренериниҥ јӧрмӧлиндеги абзацты кычырып, бу јӧпти бойыҥа тузалан. Мынайып этсеҥ, кычырганыҥды оноҥ јакшы оҥдоорыҥ.