Аудиобичимелдерле канайып тузаланар
1. Бистер кепке базылган публикациалардаҥ башка неле тузаланар аргалу?
1 Кӧп улус бистиҥ сайтка кирип, чындыктыҥ бӱдӱмјилӱ ле јакшы сӧстӧрин кӱӱнзеп кычыргылап јат (Јарл. 12:10). Је аудиобичимелдер керегинде нени айдарга јараар? Сен олорды тузаланадыҥ ба? Мынаҥ улам бистиҥ сайтта чыгарылып турганыныҥ кӧп сабазын угарга јараар. Аудиобичимелдер незиле тузалу болор аргалу?
2. Бис аудиобичимелдерле таҥынаҥ эмезе билелик бажырышта канайып тузаланар аргалу?
2 Таҥынаҥ ла билелик бажырышка. Айылда да, јолдо до болзос, ӧйди ойгор эдип тузаланарга, Агару Бичиктиҥ, брошюралардыҥ ла оноҥ до ӧскӧ бичиктердиҥ аудиобичимелдерин угар арга бар (Еф. 5:15, 16). Билелик бажырыш јилбилӱ болзын деп, кезикте бойыгардыҥ бичигердеҥ кӧрӱп тура, аудибичимелдерди угарга јараар. Аудиобичимелдерди таҥынаҥ ӱренер ӧйдӧ тузаланары — анчада ла кычырар темигӱзин јарандырарга турган эмезе ӧскӧ тил ӱренип тургандарга тузалу.
3. Бистиҥ јерде аудиобичимелдер кемге болужар аргалу?
3 Јарлаар ишке. Јарлап турган јерлеристе, кезик улус кычырарга ӧй јок деп айдыжат, је олор аудиобичимелдерди угарга кӱӱнзей берердеҥ айабас. Кезикте бис ӧскӧ тилле куучындап турган ла сӱӱнчилӱ јар олордыҥ тӧрӧл тилине айдылганын угарга белен улуска туштап јадыс (Ап. иж 2:6—8). Кезик албатылардыҥ культуразында угуп билери јаан учурлу болот. Темдектезе, хмонг албатыда тӱӱкилик јетирӱлер ӱйедеҥ ӱйеге куучын ажыра айдылып јат, анайып укканын улус јакшы сананып алат. Африканыҥ кӧп культураларында улус укаалап айдылган куучындарды кӱӱнзеп угат.
4. Аудиобичимелдерди јарлаар иште канайып тузаланарга јараар?
4 Слердиҥ јерде, јарлаар ӧйдӧ, аудиобичимелди айылдыҥ ээзиниҥ тӧрӧл тилине ойнодып ийерге јараар болор. Кем де аудиопубликацияларды электронный почтала аларга кӱӱнзеер. Эмезе бис аудиопубликацияларды јилбиркеген улуска CD дискка бичип берерис, је кезик айалгаларда кепке базылган чыгармаларыла кожо берерге јараар. Бастыра электронный бичиктерди, брошюраларды, буклеттерди ле журналдарды јарлаар иште улуска бӱдӱнге берип турзас, олорды отчётко бичип аларга јараар. Аудиобичимелдер таҥынаҥ ӱренер ӧйдӧ тузаланарга ла Каандык керегинде ӱрендерди отыргызарга белетелген (1 Кор. 3:6).