Ӱредӱни јакшы ӧткӱрерге, белетенер керек

Иисустаҥ улус ӱргӱлји јӱрӱм керегинде суракты ас ла салза эки катап сураган, је Ол сурак сураган кижиниҥ керексинижин ајаруга алып, кажы ла учуралда башка каруу берген (Лука 10:25—28; 18:18—20). Оныҥ учун Агару Бичикти ӱренетен материалды јакшы билер де болзос, ӱренип турган кижиниҥ керексиништерин ајаруга алып, озодоҥ белетенер керек. Ӱренип турган кижиге нени оҥдоорго эмезе неле јӧпсинерге кӱч болордоҥ айабас? Агару Бичиктеҥ берилген кандый ӱлгерлерди кычырза јакшы болор? Материалдыҥ канча кирезин ӧтсӧ јакшы болор? Тереҥ сананып белетеген учуралды куучындаганы, теманы јакшы јартаганы эмезе сурактарды озодоҥ белетеп алганы ӱренип турган кижиге материалды јакшы оҥдоп аларга болужар. Анайда ок, кижиниҥ јӱрегинде чындыкты Иегова ӧскӱрип турган болордо, ӱредӱ ӧткӱрерге белетенгенисти, ӱренип турган кижини, анайда ок кижиге болужарга албаданганысты Ол алкап турзын деп сурап турар керек (1 Кор. 3:6; Иак. 1:5).