Иов ченелтелерде ак-чек болуп арткан

Израильтяндар Египетте кулдар болгон ӧйдӧ, Иов Уц деп јерде јаткан. Иов израиль укту эмес те болгон болзо, Иеговага чындык болгон. Ол јаан билелӱ, сӱреен бай ла тоомјылу кижи болгон. Оныҥ јӧптӧрин улус јакшы угатан ла ол чындык јаргычы деп јарлу болгон. Иов јокту ла немеге јединбес улуска болужып јӱретен. Ол ак-чек кижи болгон.

Иов бойыныҥ јӱрӱминде Иегованы баштапкы јерге тургусканын керелеген

1:8—11, 22; 2:2—5

• Сатана Иовтыҥ ак-чегин ајаруга алган. Ол Иовты Иеговага сӧс уккур эмес деп айтпаган, је Иов Кудайга нениҥ учун бажырып турганын алаҥзуга тургускан

• Сатана Иовты Иеговага акту кӱӱнинеҥ иштебей турган деп айткан

• Иегова Сатананыҥ кӧдӱрген сурагына каруу берерге, Иовты Сатананыҥ табаруларынаҥ корулабаган. Бу табарулар Иовтыҥ јӱрӱминиҥ кажы ла јанына јаман салтарын јетирген

• Иов ак-чек болуп артып каларда, Сатана бастыра улустыҥ ак-чегин алаҥзуга тургускан

• Иов кинчек этпеген ле Кудайды бир де бурулабаган