Чындыкка ӱредигер

Сыгын айдаҥ ала «Јӱрӱмис ле ижибис» деген иштиҥ тетрадында «Чындыкка ӱредигер» деп адалган куучын баштаар јаҥы арга башталар. Бистиҥ амаду — сурактыҥ ла јарагадый ӱлгердиҥ болужыла кижиге библиялык тӧс ӱредӱлердиҥ бир-бирӱзин кӧргӱзип ийери.

Куучындашкан кижи јилбиркей берзе, бис бичик артыргызып эмезе кӧрӱлме кӧргӱзип, такып келерге тӧзӧлгӧ белетеерис. Куучынды оноҥ ары улалтарга, улуска тоолу ла кӱннеҥ такып барарга албаданарыс. Куучын баштаар јаҥы аргалар ла ӱредӱлӱ јакылталар кожулта сурактарга ла библиялык ӱлгерлерге тайанар. Бу ончозы, такып барарга эмезе ӱредӱлер ӧткӱрерге, јӱк ле Агару Бичикле тузаланарга болужар.

Јӱрӱмге јӱк ле бир јол апарып јат (Мф 7:13, 14). Оныҥ учун кандый ла јаҥду, укту улуска туштап турганыстаҥ улам, биске олордыҥ јӱрегине тийгедий библиялык чындыктарды куучындаар керек (1Тм 2:4). Библиялык темаларла куучын ӧткӱреринде ле «чындыктыҥ сӧзин» чын јартаарында ченемелисти там ла тыҥыдып турзас, бис јаан сӱӱнчи аларыс ла улусты чындыкка једимдӱ ӱредер аргалу болорыс (2Тм 2:15).