ХРИСТИАН ЈӰРӰМ
Истедип турган ака-эјелер учун мӱргӱӱрге ундыбагар
Сатана јарлаар ишти токтодорго, бисти истежер деп, Агару Бичикте судурлалган (Ин 15:20; Ач 12:17). Истедип турган ака-эјелерге канайып болужар? Олор учун мӱргӱӱрге јараар. Нениҥ учун дезе «акту кижиниҥ тыҥыдылган мӱргӱӱли кӧпти эдер аргалу» (Иак 5:16).
Не керегинде мӱргӱӱрге јараар? Иегова ака-эјелериске јалтанбас ла коркыбас болорго болушсын деп (Ис 41:10—13). Анайда ок «токыналу ла тымык јӱрӱм јӱрерге», јаҥдар јарлаар ишке чаптык этпезин деп ле олордыҥ јӱрегин Иегова јымжадып турзын деп, мӱргӱӱрге јараар (1Тм 2:1, 2).
Павел ле Петр кӱч айалгаларда болордо, ака-эјелер олордыҥ адын адап, олор учун мӱргӱген (Ап.и 12:5; Рм 15:30, 31). Бӱгӱнги кӱнде истедип турган ончо ака-эјелердиҥ ады-јолын билбес те болзос, олордыҥ јуундарын, ороонын эмезе регионын адап мӱргӱӱрге јараар.