Јуунга јӱрбей барган улуска болужыгар

уунга јӱрбей барган улус Кайраканныҥ Эҥирине кӧп келет. Бу ака-эјелер качан да Кудайга эрчимдӱ иштеген, је оноҥ кандый бир шылтактаҥ улам јуундарга јӱрбей барган (Евр 12:1). Мындый шылтактардыҥ кезигин «Вернись к Иегове» деген брошюранаҥ кычырып аларга јараар. Је андый да болзо, Иегова мындый ака-эјелерди баалап јат, нениҥ учун дезе Ол олорды Уулыныҥ баалу каныла садып алган (Ап.и 20:28; 1Пт 1:18, 19). Олор јуунга ойто јӱрӱп баштазын деп, бис канайып болужарыс?

Кӱдӱчи јылыйып калган койды бедирегени чилеп, аксагалдар мындый ака-эјелерди бедиреп, олорго болужарга албаданат (Лк 15:4—7). Аксагалдардыҥ мынайып болужарга албаданганынаҥ Иегованыҥ сӱӱжи ле килемјизи кӧрӱнет (Иер 23:3, 4). Је јуунга јӱрбей барган улуска јӱк аксагалдар эмес, бис те болужар аргалу. Анайып, Иегова бистиҥ албаданганысты кӧрӱп, алкыжын берер (Ука 19:17; Ап.и 20:35). Оныҥ учун: «Мен кемге болужарым?» — деп сананып, тӱргендеп болужып башта!

«ЈУУНГА ЈӰРБЕЙ БАРГАН УЛУСКА БОЛУЖЫГАР» ДЕГЕН КӦРӰЛМЕНИ КӦРӰП, МЫНДЫЙ СУРАКТАРГА КАРУУ БЕР:

• Эбби јарлаар иште јуунга јӱрбей барган таныш эмес эјеге јолыгарда нени эткен?

• Јуунга јӱрбей барган улуска болужардаҥ озо, нениҥ учун аксагалдарла јӧптӧжӧр керек?

• Эбби Лорага экинчи катап барардаҥ озо, канайып белетенген?

• Эбби Лорага болужарга албаданганын, чыдамкайын ла сӱӱжин канайып кӧргӱскен?

• Лука 15:8—10-до бичилген Иисустыҥ укаа сӧзинеҥ бис неге ӱренип аларыс?

• Эбби ле аксагалдардыҥ ӧмӧ-јӧмӧ иштенгени кандый једимдерге экелген?