КУДАЙДЫҤ СӦЗИНДЕГИ ЭРЈИНЕЛЕР | ИЕРЕМИЯ 51, 52
Иегованыҥ сӧзиниҥ оок-теек те јетирӱлери бӱдӱп јат
Иегова келер ӧйдӧ не болорын чике айдып салган.
Персияныҥ каанын корулап турган ок-јаалу јуучылдардыҥ бирӱзи
«Согондороорды курчыдыгар»
51:11, 28
Мидяндар ла перстер ок-јаала чечен адар јуучылдар болгон; ок-јаа олордыҥ јуулажатан тӧс јепсели болгон. Ӧштӱниҥ эди-канына согон тереҥ кирзин деп, олор оныҥ бажын курчыдып туратан.
«Вавилонныҥ кӱчтӱ јуучылдары јуулашпай барган»
51:30
Набонидтиҥ бичигениле болзо, Кирдиҥ јуучылдары «Вавилонды јуу-согуш јогынаҥ јуулап алган». Бу дезе, кала јуу-согуш јогынаҥ јеҥдиртип алганын темдектеген болор. Анайып, Иеремияныҥ судуры бӱдӱп калган.
Набонидтиҥ бичигени
«Вавилонноҥ јӱк таштар артып калар... [...] ...Чактаҥ чакка ээн калар»
51:37, 62
Б. э. озо 539 јылдаҥ ала Вавилонныҥ магы чалдыгып баштаган. Александр Македонский Вавилонды бойыныҥ империязыныҥ тӧс калазы эдип аларга сананган, је кенетийин јада каларда, амадузы бӱтпеген. Озогы христиандардыҥ ӧйинде, Вавилондо болгон иудейлердиҥ арткан-калганына болуп, элчи Петр бу калага барган. Је б. э. IV чак киреде Вавилон јемирилип, учы-учында јоголып калган.