Јарлаар иштиҥ темигӱлерин тыҥыдадыс. Такып барарына ӱренедис

БУ НЕНИҤ УЧУН КЕРЕКТӰ Каандык керегинде јарды угуп турган улустыҥ кӧбизи, Кудай керегинде чынды билерге кӱӱнзейт (Ис 55:6). Андый улуска Кудай керегинде кӧпти билип алзын деп, олорго такып-такып барар керек. Кажы ла кижиниҥ айалгазы башка, оныҥ учун биске эпчил болор керек. Је кажы ла такып барганыска јакшы белетенип, кандый теманы куучындажарын озодоҥ сананып ла ӱредӱ баштаарга амадап турзаас, ижис оноҥ артык једимдӱ болор.

МЫНЫ КАНАЙЫП ЭДЕР

• Кижиге удатпай ла такып барарга албадан, темдектезе тоолу ла кӱннеҥ (Мф 13:19).

• Јалакай ла тоомјылу бол. Бойыҥды јайым тудун.

• Јылу эзендежип ий. Кижиге адыла баштан. Нени эдерге куучындажып алганаарды эзедип ий. Темдектезе, кандый бир сурактыҥ каруузын айдып берерге, кӧрӱлме кӧргӱзерге эмезе Агару Бичикти канайып ӱренерин кӧргӱзип берерге куучындашкан болорыгар. Је кижи ӧскӧ теманы куучындажарга кӱӱнзей берзе, куучынды улалтарга белен бол (Фп 2:4).

• Кижиниҥ јӱрегинде отыргызылган чындыктыҥ ӱрендерин сугарарга, Агару Бичиктиҥ шӱӱлтелерин куучындап тур (1Кр 3:6). Кижиле јууктада таныжып аларга албадан.

• База катап келерге тӧзӧлгӧ белете.