Сен Кудайдыҥ кӧрӱнбес кылык-јаҥын кӧрӱп тургаҥ ба?

Јӱзӱн-јӱӱр чечектерди, учар сууларды ла јылдыстарды ајыктап, сен Јайаачыныҥ колын кӧрӱп туруҥ ба? Бу ончо јайаандар Иегованыҥ кӧскӧ кӧрӱнбес кылык-јаҥын иле кӧргӱзип јат (Рм 1:20). Бис ар-бӱткенниҥ јаражын ајыктаарга ӧй табып турзаас, Кудайдыҥ ийде-кӱчин, сӱӱжин, ойгорын, чындыгын, анайда ок кысканбазын кӧрӱп ийер аргалу (Ср 104:24).

Сен Иегованыҥ кандый јайаандарын кӱнӱҥ сайын кӧрӱп јадыҥ? Кала да јерде јӱзӱн-јӱӱр кушкаштарды ла агаштарды ајыктаар арга бар. Иегованыҥ јайаандарын лаптап ајыктап турзаас, бу биске уур кӱчтериске тыҥ санааркабай, олорго чын кӧрӱмдӱ болорго болужар. Анайда ок Иегова бисти ӱргӱлјиге кичеер деп бӱдӱмјибисти тыҥыдып аларыс (Мф 6:25—32). Слер балалу болзоор, ого Кудайдыҥ кылык-јанын кӧрӧргӧ болужып туругар. Јайаандарды канча ла кире шиҥдеп, кайкап турзаас, ончо ло кире бис Јайаачыга јууктаарыс (Ср 8:3, 4).

«ЧУДЕСА ТВОРЕНИЯ ПРОСЛАВЛЯЮТ БОГА. СВЕТ И ЦВЕТ» ДЕГЕН КӦРӰЛМЕНИ КӦРӰП, БУ СУРАКТАРГА КАРУУ БЕР:

• Бис недеҥ улам ӧҥдӧрди ылгаштырадыс?

• Недеҥ улам ӧҥдӧр солынар аргалу?

• Нениҥ учун теҥери јӱзӱн-јӱӱр ӧҥдӧрлӱ болот?

• Јадып турган јериҥде сен ар-бӱткенниҥ кандый јараш ӧҥдӧрин ајаруга алгаҥ?

• Айландыра ар-бӱткенниҥ јаражын кайкап кӧрӧргӧ нениҥ учун ӧй табар керек?