КУДАЙДЫҤ СӦЗИНДЕГИ ЭРЈИНЕЛЕР | 2 КОРИНФТЕГИЛЕРГЕ 1—3

Иегова — «кандый ла коот береечи Кудай»

1:3, 4

Иегованыҥ бисти токунадып турган аргаларыныҥ бирӱзи — ол јуун болот. Бойыстыҥ јууныста кунугып тургандарды бис канайып токунадар аргалу?

Куучынын ӱспей, лаптап ук.
«Ыйлап јӱргендерле кожо» ыйла (Рм 12:15).
Кӱӱн кӧдӱрер открытка сыйла, электронный самара бичи эмезе текстовый јетирӱ аткар (w17.07-U 15, рамка).
Олорло кожо анайда ок олор учун мӱргӱ.

Кӧп улусты Агару Бичиктиҥ бу ӱлгерлери токунаткан:

«Иегова јӱрегинде кунуккандарга јуук, кунукка бастыргандарды аргадайт» (Ср 34:18, 19).
«Кунукчылду санаалар амыр бербей турарда, сениҥ токунадууҥ мени јылыткан» (Ср 94:19).
«Биске карузыган, Бойыныҥ јакшылыгыла мӧҥкӱлик токынал ла јакшылыкту ижемји берген Иисус Христос Кайраканыс Бойы, Кудайыс ла Адабыс јӱректеригерди токынатсын, слерди ончо быйанду керекте ле сӧстӧ тыҥытсын» (2Фс 2:16, 17).