ХРИСТИАН ЈӰРӰМ

Соот-јыргалды ойгор талдагар

Соот-јыргалды талдаарында нениҥ учун ойгор болор керек? Нениҥ учун дезе кандый кино кӧрӧрин, кандый кожоҥ угарын, кандый сайтка кирерин, кандый бичик кычырарын, кандый видеоойын ойноорын талдап турганысла, санаагысты неле толтырарын талдап јадыс. Бистиҥ талдап турган соот-јыргалыс бистиҥ керектериске камаанын јетирет. Је эмдиги соот-јыргалдардыҥ кӧп сабазын Иегованыҥ кӧрӧр кӱни јок (Ср 11:5; Гл 5:19—21). Оныҥ учун Агару Бичик бисти Иеговага мак экелип турганы керегинде јаантайын шӱӱп-сананарына кӱӱнзедет (Фп 4:8).

«КАНДЫЙ СООТ-ЈЫРГАЛ ТАЛДААР?» ДЕГЕН КӦРӰЛМЕНИ КӦРӰП, БУ СУРАКТАРГА КАРУУ БЕРИГЕР:

Эмдиги ӧйдиҥ кезик соот-јыргалдары Јебрен Римниҥ гладиаторский ойындарына незиле тӱҥей?
Јуундагы ака-эјелер јииттерге соот-јыргалды ойгор талдаарга канайып болужар аргалу?
Римдегилерге 12:9-тагы принцип соот-јыргал талдаарында канайып болужат?
Слердиҥ јерде кандый тузалу соот-јыргалдар бар, темдер айдып беригер.

ЭРЧИМДӰ ЛЕ ЭРЧИМИ ЈОК СООТ-ЈЫРГАЛДАР?

Бӱгӱнги ӧйдӧ таркадылган соот-јыргалдар кижини эрчими јок амыраарына ӱредет. Кинолор, бичиктер, телеберилтелер кижиге бойына чӱмдеерге бербей, је кемниҥ де чӱмдеп тапкан белен шӱӱлтелерин берет. Је бу, эмди эрчими јок соот-јыргалды талдабас керек деп темдектебей јат. Андый да болзо, эрчимдӱ соот-јыргал сӱӱнчини кӧп экелет деп, кӧп улус ајаруга алган. Темдектезе, кезик улуска јуранарга јарайт, кезиктерине дезе кӱӱлик ойноткыштарга ойноорго јарап јат. А база кемге де спорт эмезе ар-бӱткенде амыраарга јарап јат, темдектезе кайдӧӧн дӧ јойу барып келерге. Соот-јыргалдыҥ кажызын да талдаган болзоос, ончоны Кудай макталзын деп эдектер (1Кр 10:31).