Јарлаар иштиҥ темигӱлерин тыҥыдадыс. Улустыҥ керексиништерин ајаруга алып тур

БУ НЕНИҤ УЧУН КЕРЕКТӰ Майлаткандар ла «ӧскӧ койлор» улусты: «Јӱрӱмниҥ суузын тегинге ал[ыгар]» — деп кычырат (Ач 22:17). «Јӱрӱмниҥ суузы» — Иегованыҥ сӧсуккур улусты кинчектеҥ ле ӧлӱмнеҥ јайымдаарга белетеп салганыныҥ ончозы болот. Бис кандый ла укту ла кудай јаҥду улуска болужарга кӱӱнзейдис. Оныҥ учун сӱӱнчилӱ јарла ӱлежип турзаас, кажы ла кижиниҥ керексинижин ајаруга алып турар керек (Ач 14:6).

МЫНЫ КАНАЙЫП ЭДЕР

• Сениҥ јарлап турган јериҥдеги улустыҥ јӱрегине тийгедий тема ла библиялык ӱлгерлер талдап тур. Тӧзӧлгӧ эдип, куучындардыҥ планын эмезе јарлаар иште бойыҥныҥ једимдӱ тузаланып турган кандый бир јепселди тузаланарга јараар. Кандый темалар ла ӱлгерлер улусты јилбиркедет? Улус кандый солундар керегинде куучындажат? Эр улусла эмезе ӱй улусла не керегинде куучындажарга јараар?

• Сениҥ јадып турган јериҥде улус канайып эзендежип, куучындажып турганын ајаруга алып тур (2Кр 6:3, 4).

• Јарлаар иштиҥ јепселдерине кирип турган бичиктерди кычырып, кӧрӱлмелерди кӧрӱп ал. Ол тушта эптӱ ӧй боло берзе, сен олорды јилбиркеген кижиге берер аргалу болорыҥ.

• Сениҥ јадып турган јериҥдеги улустыҥ тилине бичиктерди ле кӧрӱлмелерди чыгарып ал.

• Кижиниҥ керексинижин ајаруга алып, куучыныҥныҥ темазын солып тур (1Кр 9:19—23). Темдектезе, јилбиркеген кижиниҥ јууктарынаҥ кем-кем божоп калган болзо, сен нени айдар эдиҥ?

КӦРӰЛМЕНИ КӦРӰП, БУ СУРАКТАРГА КАРУУ БЕР:

• Эр кижиле јарчы кандый теманы шӱӱжип баштаган?

• Ол кижиниҥ јӱрӱминде не болгон?

• Кандый библиялык ӱлгер бу учуралга эҥ эптӱ болгон ло нениҥ учун?

• Угуп турган кижини јилбиркедип ийерге, сен куучын баштаар аргаҥды канайып солыйдыҥ?