Кожоҥдор бисти неге ӱредет?

Иегованыҥ организациязы јаантайын јаҥы кожоҥдор чыгарат. Сеге јарап турган кожоҥдор бар ба? Олор сеге нениҥ учун јарап турган? Видеодо кӧргӱзилгени јӱрӱмде не болуп турганына келижет пе? Бисте башка-башка кожоҥдор бар, оныҥ учун кажы ла кижи бойына јарагадый кожоҥ таап алар аргалу. Је бу кожоҥдор ло музыкальный видеолор јӱк соот-јыргал эмес.

Кажы ла кожоҥ бисти тузалу та неге де ӱредет. Кезик кожоҥдордо сӱӱш, кӱндӱзек, јалтанбас, бирлик, најылык ла бӱдери керегинде айдылат. Ӧскӧ кожоҥдордо — Иеговага канайып кайра келер, улустыҥ јаманын канайып таштаар, библиялык принциптерле канайып јаантайын јӱрер ле канайып кӧгӱс амадулар тургузар керек деп айдылат. Је бир кожоҥдо, телефон биске најыларысты солып болбос деп айдылат. А сен бу кожоҥдорды угуп тура, неге ӱренип алдыҥ?

«ЭТОТ ДЕНЬ ОЧЕНЬ БЛИЗКО» ДЕГЕН МУЗЫКАЛЬНЫЙ ВИДЕОНЫ КӦРӰП ИЙЕЛЕ, БУ СУРАКТАРГА КАРУУ БЕР:

• Јаан јашту эш-нӧкӧрлӧр келер ӧйдӧги кандый алкыштар керегинде сананат? (Бш 12:3).

• Иегова берген сӧзин кыйалта јогынаҥ бӱдӱрип салар деп, бӱткенисти бис канайып тыҥыдар аргалу?

• Удабас бис кемдерди ойто кӧрӧрис?

• Кудайдыҥ Каандыгына ижемјибис уур-кӱчтерди ӧдӧргӧ биске канайып болужат? (Рм 8:25).