Бу калганчы кӱндерде чындык бол

БУ НЕНИҤ УЧУН КЕРЕКТӰ Удабас сӱреен кайкамчылу ӧйлӧр башталар. Ол тушта бистерге јалтанбас болоры ла Иеговага бӱдери оноҥ тыҥ керек болор. Улу тӱбек тӧгӱн кудай јаҥдарды јоголторыла башталар (Мф 24:21; Ач 17:16, 17). Ол јеҥил эмес ӧйдӧ бис Иегованыҥ јаргызы керегинде кату јарды байла јалтанбай јарлаарыс (Ач 16:21). Бистерге Магог јериниҥ Гогы табарар (Иез 38:10—12, 14—16). Ол тушта Иегова бойыныҥ албатызын корулаарга, Армагеддон деген јуу-согуш баштаар (Ач 16:14, 16). Ол ӧйдӧ јалтанбас болорго, бистерге бӱгӱнги ченелтелерде Иеговага чындык артар керек.

МЫНЫ КАНАЙЫП ЭДЕР

• Иегованыҥ бийик ак-чек нормаларынаҥ бек тудун (Ис 5:20).

• Иеговага јуунныҥ улузыла оноҥ ло ары кожо бажырып тур (Евр 10:24, 25).

• Иегованыҥ организациязыныҥ јакаруларын тургуза ла бӱдӱрип тур (Евр 13:17).

• Иегова алдындагы ӧйдӧ бойыныҥ ишчилерин канайып аргадаганын сананып тур (2Пт 2:9).

• Иеговага мӱргӱп, ого бастыра јанынаҥ бӱт (Ср 112:7, 8).

«КЕЛЕР ӦЙДӦ КАНДЫЙ УЧУРАЛДАРДА БИСКЕ ЈАЛТАНБАС БОЛОР КЕРЕК?» ДЕГЕН ВИДЕОНЫҤ ӰЗӰГИН КӦРӰП, БУ СУРАКТАРГА КАРУУ БЕР:

• 

  Јарчыларды ӧскӧ јуунга кӧчӱп алзын деерде, олордыҥ сӧсуккуры канайып ченелген?

• 

  Сӧсуккур болоры ла јалтанбас болоры канайып колбулу?

• 

  Бистерге Армагеддонныҥ ӧйинде нениҥ учун јалтанбас болор керек?

• 

  Иегова бойыныҥ ишчилерин аргадап алар деп, кандый библиялык ӱзӱк бӱдӱмјилейт? (2Лт 20:1—24).