Ада-энелер, балдараарды ӱредигер!

Бистиҥ јадып турган телекей саҥ тескери болуп калган: јакшыны јаман деп айдат, јаманды јакшы деп айдат (Ис 5:20). Кезик улустыҥ эдип турган керектери Иеговага јескинчилӱ болот. Темдектезе, ӱй улус ӱй улусты, эр улус эр улусты кӱӱнзейт. Бистиҥ балдарыс школдо кожо ӱренип турган балдарга эмезе јарлу улуска тӱҥейлежерге кӱӱнзей берердеҥ айабас. Оныҥ учун, ада-энелер, слер бойоордыҥ балдараарга бу телекейдиҥ кӧрӱмин алынбаска канайып болужар аргалу?

Балдараарга Иегованыҥ нормаларын јартап туругар (Лв 18:3). Агару Бичикте эр ле ӱй кижи ортодо сексуальный колбулар кандый болор учурлу деп, балдараардыҥ јажына келиштире куучындап туругар (Јҥ.т 6:7). Бойоордоҥ сурагар: «Мен баламды ӧскӧ улуска сезимдерин кӧргӱзеринде ажа конбос керек деп ӱреткем бе? Нениҥ учун ӧткӱре ачык ла тапчы кийим кийерге јарабас деп, ол оҥдоп турган ба? Ол эжинип, кийинип, уйуктап, оноҥ до ӧскӧ неме эдип јатса, ого кем де тийер јаҥы јок деп, ол билер бе? Эмезе та кем де порнография кӧргӱзерге эмезе Иеговага јарабай турган неме этсин деп сурап турза, балам нени эдерин билер бе?» Мынайып ӱредип салганы слердиҥ балдараарды кӧп јеткердеҥ корулаар (Ук 27:12; Эк 7:12). Ада-энелер, балдар — ол «Иегованыҥ энчизи» деп ундыбагар. Олорды ӱредип, слер Иегованыҥ сыйын баалап турганаар деп кӧргӱзедеер (Ср 127:3).

«СТРОЙТЕ ДОМ, КОТОРЫЙ УСТОИТ. ЗАЩИЩАЙТЕ ДЕТЕЙ ОТ ЗЛА» ДЕГЕН ВИДЕОНЫ КӦРӰП, БУ СУРАКТАРГА КАРУУ БЕРИГЕР:

• 

  Кезик ада-энелер бойыныҥ балдарыла секс јанынаҥ куучындажарга нениҥ учун уйалып јат?

• 

  Нениҥ учун ада-энелерге бойыныҥ балдарын Кайраканныҥ ӱреткени ле јакыганы аайынча чыдадар керек? (Еф 6:4).

• 

  Иегованыҥ организациязы ада-энелерге балдарыла секс керегинде куучындажарга болужатан кандый јетирӱлер берет? (w19.05 12, рамка).

• Нениҥ учун балдарла ачык-јарык куучындажып турар керек?