Иегова бистерди сӱӱп турганы учун ӱредип јат

Ӱредип таскадарыныҥ тӧс амадузы — јартап таскадар, кезикте кату каруузына тургузар эмезе санаа алынзын деп кӱӱнзедер. Иегова бистерди оноҥ јакшы болзын деп, анайда ок оныҥ нормаларын оноҥ јакшы бӱдӱрзин деп, ӱредип таскадат (Рм 12:1; Евр 12:10, 11). Кезикте тӱзедӱни алынарга коркышту кӱч келижет. Је болушты алынып турзаас, бис Кудайдыҥ кӧзине ару болуп, оныҥ јарадузын ла болужын аладыс (Ук 10:7). Болужып турган кижиге ле болушты алынатан кижиге нени ундыбас керек?

Болужып турган кижи. Аксагалдар, ада-энелер ле ӧскӧ дӧ христиандар, Иегова чылап сӱӱштӱ ле јалакай эдип тӱзедерге албадангылайт (Иер 46:28). Кезикте кату да эдип тӱзедерге келишсе, кижиниҥ айалгазын ајаруга алып, ого јымжак баштанар керек (Тит 1:13).

Болушты алынатан кижи. Тӱзедип ӱреткени кандый да болзо, оны јектебей, тӱрген алынза јакшы болор (Ук 3:11, 12). Бистер кинчектӱ болгоныстаҥ улам, ончобыста јӧптӧр лӧ эзедӱлер јогынаҥ болбой јат. Мындый эзедӱлерди бис јуундардыҥ туштажуларында угадыс эмезе Агару Бичиктеҥ кычырадыс. Айалга коомой болзо, правовой комитеттиҥ болужы керек болордоҥ айабас. Болушты алынып турганыстаҥ бистиҥ јӱрӱмис камаанду (Ук 10:17).

«КОГО ЛЮБИТ ИЕГОВА, ТОГО НАКАЗЫВАЕТ» ДЕГЕН ВИДЕОНЫ КӦРӰП, БУ СУРАКТАРГА КАРУУ БЕР:

• 

  Канонныҥ јӱрӱми озо кандый болгон, је не солына берген?

• 

  Иегова бу карындашка канайып сӱӱжин кӧргӱзип, јуундӧӧн кайра келерге болушкан?

• 

  Бу учурал бистерди неге ӱредет?