«Бу — Иегованыҥ јуу-согужы»

Давидтиҥ бӱдӱмјизи билгирлерине ле ченемелине тӧзӧлӧнгӧн (1См 17:36, 37; wp16.5-U 11 б., 2, 3).

Давид бойын Голиафла тӱҥдештирбеген. Ол Голиафты Иеговала тӱҥдештирген (1См 17:45—47; wp16.5-U 11 б., 8, 9).

Иегова Давидке коркымчылу ӧштӱни јеҥип аларга болушкан (1См 17:48—50; wp16.5-U 12 б., 4; кадарындагы јурукты кӧр).

Кезикте бистиҥ јӱрӱмисте уур-кӱчтер болуп јат. Бис истежӱлерге табарткан болорыс эмезе јаман кылыгысла тартыжып турган болорыс. Кӱчтеристиҥ аайына чыгып болбозыс деп билдирип турза, ундыбас керек: биске ол кӱчтерде нени эдип болбозысты эмес, је Кӱчтӱдеҥ Кӱчтӱ Иегованыҥ нени ле эдип ийер ийделӱ аргазын сананар керек (Иов 42:1, 2).