Бастыра ченелтелер кыйалта јогынаҥ токтоор

Ченелтелер болуп турза, анчада ла узакка чӧйилип турза, бистер тыҥ кунугадыс. Темдектезе, Давидтиҥ учуралында Саулдаҥ улам башталган ченелтелер јаантайын болбос, Иегованыҥ айтканыла ол каан болор деп Давид билген (1См 16:13). Давидтиҥ бӱдӱмјизи ого чыдамкай болорго ло Иегованы сакыырга болушкан.

Ченелтелердиҥ ӧйинде бис керсӱ ле ӧткӱн болзоос, айалга бир эмеш јеҥил болор (1См 21:12—14; Ук 1:4). Је та кандый да кӱчтердеҥ, бойыстыҥ јаныстаҥ библиялык принциптер аайынча ӱзе эдип те салзаас, бис айрылып болбозыс. Мындый айалгада бистер чыдамкай болуп, Иегованы сакыырыс. Иегова удабас бастыра кӱчтеристи токтодып, бистиҥ кӧстӧристеҥ «јашты арчыыр» (Ач 21:4). Јайымдалышты канайып та алатан болзоос, (Иегованыҥ болужыла ба, эмезе база та канайда ба), бастыра ченелтелер кыйалта јогынаҥ токтоп калар деп, бис бир де алаҥзыбас аргалу. Бу шӱӱлте бисти токунадып јат.

«ЕДИНЫЙ НАРОД В РАЗОБЩЕННОМ МИРЕ» ДЕГЕН ВИДЕОНЫ КӦРӰП, КАРУУ БЕР:

• Бириктирген Штаттардыҥ тӱштӱк јанында кезик христиандар кандый кӱчтерге табарткандар?

• Олор чыдамкайын ла сӱӱжин канайып кӧргӱскендер?

• Олорго «эҥ артыгын талдап» аларга не болушкан? (Фп 1:10).