КУДАЙДЫҤ СӦЗИНДЕГИ ЭРЈИНЕЛЕР

Ӧргӧӧдӧ ончо иш аайлу-башту эдилген

Давид каан левиттердиҥ ле абыстардыҥ ӧргӧӧдӧ ижи аайлу-башту болзын деп, башкарып салган (1Лт 23:6, 27, 28; 24:1, 3; it-U «Левиты», «Обязанности» деген бӧлӱк, абз. 3; it-U «Священник», «Постановления и обязанности» деген бӧлӱк, абз. 10).

Ченемелдӱ кӱӱчилер ле ӱренчиктер кӱӱ ойноорго ло кожоҥдоорго кӧстӧлгӧн (1Лт 25:1, 8; it-U «Музыка», «История» деген бӧлӱк, абз. 5).

Левиттер ӧргӧӧниҥ эжиктерин каруулдаарга, акча-јӧӧжӧниҥ кӧрӧӧчилери болорго ло оноҥ до ӧскӧ јакылталар бӱдӱрерге кӧстӧлгӧн (1Лт 26:16—20; it-U «Привратник», «В храме» деген бӧлӱк, абз. 1).

Ака-эјелер јуунныҥ туштажузынаҥ озо: 1) бой-бойлорыла эзендежип, куучындажып јат; 2) ака эјеге јарлардыҥ доскозынаҥ та нени де кӧргӱзет; 3) эје сый эдип акча салып јат; 4) ака эјеге бичиктер берип јат; 5) ака сценада микрофон тӱзедет; 6) ака кичинек уулчагыла кожо пол јалмап јат.

Бис Иеговага аайлу-башту бажырадыс, нениҥ учун дезе ого мынайып бажырганы јарап јат (1Кр 14:33).

ШӰӰП САНАНАРГА: Бӱгӱнги кӱнде христиан јуунда ӱзе неме аайлу-башту башкарылып јат деп, нениҥ учун айдарга јараар?