ХРИСТИАН ЈӰРӰМ
Бойыҥа Иегованыҥ кӧрӱмиле кӧр
«Иегова бойыныҥ албатызын кӧрӱп сӱӱнет» (Ср 149:4). Бис толо кемдӱ эмес те болзоос, ол бистиҥ јакшы кылык-јаҥдарысты ла кандый једимдерге једер аргабысты кӧрӧт. Темдектезе, улус биске канайып баштанып турганынаҥ улам, та кем де бойын уйан деп сананат. Эмезе ӧткӧн ӧйдӧ эткен јастыраларын эске алып, Иегова оны сӱӱп турган деп алаҥзып јат. Бу мындый санаалар ла сезимдерле канайып тартыжар?
Иегова кижиге кӧрӧ канча киреге тереҥ кӧрӱп турган деп, биске бойыска эске алынып турар керек (1См 16:7). Је бу дезе Иегова бистеҥ бойыстыҥ кӧрбӧй турган немелеристи кӧрӱп турган деп темдектейт. Иегованыҥ биске кӧрӱмин Агару Бичик оҥдоорго болужат. Оныҥ учун Иегованыҥ бойыныҥ ишчилерине сӱӱжин кӧргӱзип турган ӱлгерлерди ле ӱзӱктерди шӱӱп-сананып турар керек.
«УБЕЖДАЙ СВОЁ СЕРДЦЕ В ОДОБРЕНИИ ИЕГОВЫ» ДЕГЕН ВИДЕОНЫ КӦРӰП, КАРУУ БЕР:
Јӱгӱреечи ле оныҥ адазы керегинде темнеҥ Иегова биске канайып баштанып турган деп нени билип аладыс?
Уур кинчек эделе, Иеговала колбуларын орныктырып турган кижи, Иегова оны сӱӱп турган деп, бойын канайып бӱдӱмјилеер аргалу? (1Ин 3:19, 20).
Давид ле Иосафат керегинде шӱӱп-сананганы бу карындашка канайып болушты?