ХРИСТИАН ЈӰРӰМ

Кудайзак эмес улуска Јайаачыга бӱдӱп баштаарга болужып бер

«Кудайзак эмес улус мени укпас болбой» деп санаа, олорго јарлаарга сени токтодып турган ба? Андый болзо ундыба, кудайзак эмес кӧп улус, ол тоодо Кудайга чек бӱтпей тургандар, Иегованыҥ Керечилери болуп калган. Кӧп саба учуралдарда олорго Кудай бар деп керелерди шӱӱп сананарга ака-эјелер болужып берген (Рм 1:20; 10:14).

«БӰДӰМЈИ ЈОК ТО УЛУС БӰДЕР АРГАЛУ. КУДАЙЗАК ЭМЕС УЛУС» ДЕГЕН ВИДЕОНЫ КӦРӰП, КАРУУ БЕР:

Томмазоныҥ учуралы кудайзак эмес улуска јарлаарга коркыбас керек деп канайып кӧргӱзет?

Мениҥ каруум

Кудайзак эмес улуска канайып јарлаар

Кижи Кудайга бӱтпей турган деп айтса, јалакай ла черчеҥ болуп, оны лаптап ук (2Тм 2:24). Ол кижиге јилбилӱ болгодый теманы талдап ал. Јайаачы бар деп керелерди кижи шӱӱжип ийерге кӱӱнзеп турган болзо, бу тема аайынча видеолорды ла бичиктерди тузалан. Бу јуукта JW Library^® деп приложениедеги јарлаар иштиҥ јепселдеринде «Была ли жизнь создана?» ла «У истоков жизни. Пять вопросов, которые требуют ответа» деген брошюралар чыгып келген. Эмди олорды табып аларга јеҥил.

Кудайга бӱтпей турган кижиге јарлаар деп санаа сени тыҥ коркыдып турган болзо нени эдер? Бу айалгада ченемели јаан јарчынаҥ болуш сураарга јараар. Анайда ок ундыба, баштап олор Кудай бар деп бӱтпей де турган болзо, је Иегова чындыкты угарга кӱӱнзеп турган улустыҥ јӱрегин томултарга сеге болужар (Ап.и 13:48).