Кӱлӱмзиреништиҥ тузазы

Хелен стендтиҥ јанында кӱлӱмзиренип турат. Стендтиҥ јанынаҥ эки кыс ӧдӱп јат.

ФИЛИППИНЫ ороондо Багио деп каланыҥ деловой кварталыла эки кыс барып јатты. Олор бистиҥ стендти кӧрӱп ийеле, јанынаҥ ӧдӧ бергендер. Је стендтиҥ јанында Хелен деп эје јылу кӱлӱмзиренип турды. Бу эки кыс стендке јууктабаган да болзо, олордыҥ сагыжына Хелен эјениҥ јылу кӱлӱмзиренип турганы артып калган.

Кийнинде бу эки кыс автобусту јанып барадала, Каандыктыҥ Туразында jw.org сайттыҥ логотибин кӧрӱп ийген. Ондый логотипти олор стендте кӧргӱлеген. Оныҥ учун автобустаҥ тӱжеле, Каандыктыҥ Туразындӧӧн баргандар. Ондо эжиктиҥ јанында туштажулардыҥ расписаниези болгон.

Ол ло эки кыс Каандыктыҥ Туразында Хеленди кӧрӱп ийеле, кӱлӱмзиренип јадылар.

Јаан удабай олор јуунныҥ туштажузына келгилеген. Каандыктыҥ Туразына кирип ле келеле, бу эки кыс кемди кӧрӱп ийген деп сананадар? Хелен эјени! Хелен эје анайып ла јылу кӱлӱмзиренип турды. Оныҥ учун бу эки кыс кӧндӱрезинеҥ ле Хелен эјеге удура базып келедерде, эје чочый береле: «Калак, кижи јастыра неме эдип койгон болбозын» — деп сананган. Је кыстар ого айалганы јартап бергиледи.

Олорго јуунныҥ туштажузы да, ака-эјелер де сӱреен тыҥ јараган. Туштажу божой берерде, олор Каандыктыҥ Туразын да арутаарга болушкан. Соҥында бу эки кыстыҥ бирӱзи ӧскӧ каладӧӧн кӧчӧ берген. А экинчизи дезе јуунныҥ туштажуларына јӱрӱп, Агару Бичикти ӱренип баштаган. Хелен эје кӱлӱмзиренбеген болзо, мындый учурал болор беди?!