Тузалу јӧптӧр. Таҥынаҥ ӱренер аргалар

Слерге ака-эјелердиҥ биографияларын кычырарга јарап турган ба?

Кажы ла кӱн эртен тура биография кычырып турган бир биле мынайда айткан: «Ака-эјелердиҥ учуралдары биске сӱреен јаан сӱӱнчи экелет. Олорды кычырзаас, бис те Кудайга кандый ла айалгаларда чындык артар аргалу деп бӱдӱмјиленип јадыс». Андый ла сезимдер бир эједе база болот. Ол айдат: «Биографияларды кычырзаҥ, јӱрегиҥе јакшы, токуналу боло берет. Олор кижиниҥ јӱрегине коркыш барып тийет. Бистиҥ ака-эјелердиҥ јӱрӱми калас ӧтпӧй јат. Олордыҥ теми мени Иеговага оноҥ кӧп иштеерге кӱӱнзедет. Анайда ок балдарымды Иеговага ӧйин толо берип иштезин деп ӱредерге болужат».

Биографиялар слерге тузалу амадулар тургузарга, бойоордыҥ уйан јандараарла тартыжарга, анайда ок кӱч ченелтелердиҥ ӧйинде чыдамкай артып, сӱӱнчисти јылыйтпаска болужат. Слер бу биографияларды кайдаҥ табараар?

• jw.org сайтта эмезе JW Library® приложениеде «Биографии Свидетелей Иеговы» деген статьялардыҥ јуунтызын кӧрӱгер.

• «Каруулчы шибеениҥ онлайн-библиотеказында» эмезе Watchtower Library деп электронный библиотекада бедрелте деген јерде «Биографии Свидетелей Иеговы» деп бичип ийигер.