«Каруулчы шибеениҥ» ӧскӧ јӧрмӧлдӧри

Кӧп јарчылар јуунныҥ туштажузына белетенерге, JW Library^® приложениени тузаланат. Олорго бу приложениеле «Каруулчы шибеедеги» ӱренетен јӧрмӧлдӧрди табарга јеҥил болгоны јарап турган. Је ӱренетен чыгармаларда, кӧгӱс курсакту ӧскӧ дӧ јӧрмӧлдӧр бар. Олорды JW Library приложениениҥ болужыла канайып табып алар?

• Ӱренетен јӧрмӧлдӧрдиҥ учында «Кожулта материал» деген јер бар. Анда «Бу чыгарманыҥ ӧскӧ јӧрмӧлдӧри» деген ссылканы јапазып ийзеер, журналда не барын кӧргӱзип турган бӱк ачылып келер. Бу бӱкте ӱренетен јӧрмӧлдӧрдиҥ адын ла номерин, анайда ок ӧскӧ дӧ јӧрмӧлдӧрдиҥ аттарын кӧрӱп ийереер. Кажы бир јӧрмӧлди кычырарга, оныҥ адына јапазып ийигер.

• JW Library приложениениҥ тӧс бӱгинде, «Новое» деп јерде «Каруулчы шибеениҥ» јаҥы чыгармазы кӧрӱнип ле келзе, оны чыгарып аларга јараар. Чыгарып алган журналды ачып ийзеер, јӧрмӧлдӧрди кӧргӱзип турган бӱкти кӧрӱп ийереер. Бир де јӧрмӧлди божотпоско, бу бӱкти кӧрӱп турыгар.