Кудайга бӱдӱп турганаар ба?

Иегованы сӱӱндирерге биске ого бӱдер керек. Је Агару Бичикте: «Кезик улус ого бӱтпейдилер» — деп айдылат (2 Фес. 3:2, ЈТ). Апостол Павел мында оны истешкен улусты айткан. Је «бӱтпейдилер» деп сӧслӧ ӧскӧ дӧ улусты айдарга јараар. Темдектезе, бӱгӱнги кӱнде ӱзе немени Кудай јайаган деп бӱтпей турган улус бар (Рим. 1:20). Кезик улус дезе јаан ийде-кӱчтӱ та не де бар деп бӱткилейт. Је мындый бӱдӱмји Иегованы сӱӱндирбей јат.

Иегованы чын ла бар деп ле ого тыҥ бӱдӱп турган улусты ол кайралдап турган деп, бис бӱдер учурлу (Евр. 11:6). Бӱдӱмји агару тынныҥ тӱжӱмине кирет. А агару тынды аларга, оны Иегованаҥ сураар керек (Лука 11:9, 10, 13). Анайда ок бу тынныҥ болужыла бичилген Агару Бичикти кычырар керек. Бого коштой кычырганысты шӱӱп сананарга ла билип алганысты тузаланарга албаданар керек. А бу керектер биске Кудайга бӱдӱп турганысты кӧргӱзерге болужат. Анайып бис Иегованы сӱӱндиредис.