Јуруктардыҥ тузазы

Бистиҥ бичиктерде кӧп јуруктар бар. Олордыҥ кажызында ла керектӱ ӱредӱ берилет. Ол ӱредӱлердиҥ бирӱзин де ӧткӱрип ийбеске нени эдер керек?

• Кычырардаҥ озо јуруктарын кӧрӱгер, ол тушта кычырар кӱӱнеер тыҥый берер. Канайып амтанду курсак кӧрӱп ийзеес, оны јиир кӱӱнис келет, анайып ла јуруктарды кӧрӱп ийзеес, кычырар кӱӱнис келер. Оныҥ учун бойоордоҥ: «Бу јуруктаҥ нени кӧрӱп турум?» — деп сурагар (Ам. 7:7, 8).

• Кычырып јадала, бу фотолор ло јуруктар бого нениҥ учун берилгенин сананып кӧрӱгер. Јуруктыҥ јартамалдарын кычырып, олор статьяныҥ темазыла, слердиҥ јӱрӱмеерле кандый колбулу деп шӱӱп сананыгар.

• Кычырган кийнинде, јуруктарды ойто ло катап кӧрӱп, статьяныҥ тӧс шӱӱлтелерин эске алыныгар. Оноҥ кӧзигерди јуҥуп, ол јуруктарды ла јуруктар ажыра берилген ӱредӱлерди санаагарда јурап ийигер.

• Бу «Каруулчы шибеениҥ» чыгармазындагы јуруктарды ойто катап кӧрӱгер. Олордо кандый ӱредӱлер болгоны санаагарга кирет пе?