Мен не керегинде мӱргӱӱр аргалу?

Библиялык каруу

Слер Кудайга јарап турган кандый ла суракла мӱргӱӱр аргалу. Ого не јарап турганы Агару Бичикте бичилип калган. «Оныҥ [Кудайдыҥ] табыла нени суразабыс, Ол бисти угуп турган» (1 Иоанн 5:14). Кудайга бойыстыҥ санааркаштарысты айдарга јараар ба? Эйе. Агару Бичик: «Јӱрегеерде не барын Иеговага чыгара айдыныгар» — деп кычырат (Сарын 62:8).

Не керегинде мӱргӱӱрге јараар

• Кудайга бӱдери керегинде (Лука 17:5).

• Кинчек этпеске болушсын деп, агару тын, ол эмезе Кудайдыҥ ийде-кӱчи керегинде (Лука 11:13).

• Уур-кӱчтерди ле ченелтелерди ӧдӧтӧн ийде-кӱч керегинде (2 Коринфтегилерге 4:7).

• Јӱрекке амыр берзин деп (Филиппийцам 4:6, 7).

• Чын тӱп-шӱӱлтелер эдерге болужатанойгор керегинде (Иаков 1:5).

• Кӱнӱҥ-сайынгы керексиништер керегинде (Матфей 6:11).

• Кинчектеристи таштазын деп (Матфей 6:12).