Сноска

b 2 Самуил 16:5—13: «Давид каан Бахури́м јуртка једип барарда, Саулдыҥ угынаҥ болгон Шиме́й деген кижи удура чыгып келди. Ол Ге́ра деген кижиниҥ уулы болгон. Шимей Давидти каргап айткылап, Давидти ле оныҥ кулдарын ташла шыбалап турды. Давидле кожо барып јаткан улус ла оныҥ кӱчтӱ эр улузы оны эки јандай барып јатты. Шиме́й оны каргап: „Јӱр ары! Јӱр ары бу јердеҥ! Сен улустыҥ каны тӧгӱлгенинде бурулу! Саулдыҥ айылыныҥ улузыныҥ канын тӧгӱп, оныҥ ордына каан болуп отурганыҥ учун Иегова сени кату каруузына тургузып јат. Иегова каан болотон јаҥды сениҥ уулыҥа, Авессаломго, берип койды. Оныҥ учун сениҥ бажыҥа тӱбек тӱшти!“— деп кыйгырып турды. Аве́сса, Сару́ияныҥ уулы, каанга: „Бу ӧлгӧн ийт мениҥ Каанымды не јамандап туру? Мен оныҥ бажын кезе чабып салайын ба?“ — деп сурады. Је каан: „Бистиҥ ого не керегис бар, Сару́ияныҥ уулдары? Каргагайла, не дезе, Иегова ого бойы: ,Давидти карга!‘ — деп айткан болордо — ,Сен не айткыланып јадыҥ?‘ — деп, ого кем де айдып болбос“ — деди. Давид Аве́ссага ла бойыныҥ ончо кулдарына: „Менеҥ туулган уулым мени ӧлтӱрерге турарда, бу Вениамин укту кижинеҥ нени алатан?! Бойсын, ого тийбегер. Мени каргазын деп, Иегова ого айткан. Айса болзо, Иегова Шимейдиҥ мени бӱгӱн каргап турганын кӧрӱп, меге болужар болор“. Давид бойыныҥ улузыла оноҥ ары барды. Је Шиме́й олордоҥ артпай, кырды сындай барып, олорды ташла шыбалап, тобрак таштап, каргап турды».