Јарлаар иштиҥ темигӱзин тыҥыдадыс. Айдыҥ брошюраларын јетиретен темдектелген јолды (маршрутты) канайып тургузар

Бу нениҥ учун керектӱ. Кӧп улуска бистиҥ брошюраларды кычырарга јарап јат, је Агару Бичикти ӱренерге олор кӱӱнзебей јат. Олорго бойлорыныҥ кудай јаҥы јарап турган болор эмезе ӱренерге ӧй јетпес деп бодойдылар. Је бистиҥ брошюраларды улам сайын кычырып тура, олор Кудайдыҥ Сӧзине тартылып баштаар аргалу (1 Пет. 2:2). Олорго кандый бир јӧрмӧл јараар болор эмезе олордыҥ јӱрӱминиҥ айалгалары солынар болор. Бис кыскарта да болзо, је улам сайын олорло куучындажып турзас, олор биске ӱренижип калар, анайып, бис олорды не јилбиркедип турганын ла не токунатпай турганын билип аларыс. Соондо Агару Бичикти ӱренерин баштаарга арга болордоҥ айабас.