«Олордыҥ бӱткенинеҥ тем алыгар»
1. Ӱлӱрген айдыҥ 19-чы кӱнинеҥ башталган неделенеҥ ала Агару Бичикти јуунда ӱренерине бис кандый бичикти ӱренип баштаарыс?
1 2015 јылда ӱлӱрген айдыҥ 19-чы кӱнининеҥ башталган неделенеҥ ала Агару Бичикти јуунда ӱренерине бис «Олордыҥ бӱткенинеҥ тем алыгар» деген бичикти ӱренип баштаарыс. Бу бичикте Кудайга чындык арткан 14 эр ле ӱй улус керегинде бичилет. Олор Иеговага иштеп тура кӱчтерге табартып турган эмди ле тирӱ јӱрген улустый билдирет. Анайда ок бу бичикте бистерге керектӱ ӱредӱлер бар (Евр. 6:12).
2. «Олордыҥ бӱткенинеҥ тем алыгар» деген бичик незиле аҥылу, куучындап беригер.
2 Аҥылузы. Бу бичикте кандый бир кижиниҥ качан ла кайда јатканын билерге болужатан карта ла ӧйлӧрди кӧргӱзип салган шкала бар. Кажы ла бажалыкта кычырган немени шӱӱп санаанарына ла билип алганысты јӱрӱмде тузаланарга кӱӱнзедетен «Не керегинде сананар керек» деген рамка бар. Быжулап талдалган јараш јуруктар бичикте бичилген учуралдарды кӧслӧ кӧрӱп тургандый эдип сананарга болужар.
3. Бу бичикти ӱренери јаан туза экелип турзын деп, бис нени эдер аргалу?
3 Бичикти ӱренерине берилген јӧптӧр. Бичиктиҥ кире сӧзинде Башкару јӧптиҥ самаразы бар. Ондо мынайып айдылат: «Санаагарды ла сезимдерерди иштедип, Агару Бичикте бичилген улустыҥ сезимдерин оҥдоорго ло олордыҥ кӧрӱп турганын кӧрӧргӧ албаданыгар. Слер ол улустыҥ ордына болгон болзогор нени эдерер деп, сананып кӧрӱгер». Сананарын иштедери (задействовать воображение) дегени куру неме керегинде сананарын темдектебей јат. Ол Агару Бичикте айдылганы керегинде тереҥ сананып турарын ла ондогы улустыҥ сезимдерин оҥдоп турарын темдектейт. Мынайып тереҥ сананарга ӧй табар керек (Неем. 8:8). Ӱренетен материал бажалыктыҥ ортозынаҥ башталып турган болзо, шӱӱжерин ӧткӱрер кижи ӧткӧн неделениҥ материалын бир минуттыҥ эмезе оноҥ до ас ӧйдиҥ туркунына эске алынып ийер. Ӱренетен материалга «Нени сананып кӧрӧр керек» деген рамка кирбей турган болзо, шӱӱжериниҥ учында ӧткӧн материалды ундыбаска бир эмезе эки сурак сураарга јараар.
4. «Олордыҥ бӱткенинеҥ тем алыгар» деген бичикти ӱренери нениҥ учун тузалу болор?
4 Бу телекей кажы ла кӱн бистиҥ бӱдӱп турганысты кандый ла эп-аргаларла уйададып эмезе јоголтып саларга албаданат. Бу бичик анайда ок оныҥ тӧзӧлӧнгӧн ээчий-деечий чыккан јӧрмӧлдӧри бистиҥ бӱдӱп турганысты тыҥыдарына Кудайдаҥ берилген сый болот (Иак. 1:17). Анайдарда бу сыйды, Агару Бичикти јуунда ӱренерине јаантайын болуп ла бичикти шӱӱжерине эрчимдӱ туружып, толо тузаланарга албаданактар!