Кудайдыҥ Сӧзи — эрјине

1. Кайкамчылу эрјинедий бичик бар:

Иегованыҥ тыныла берилген.

Ижемјини, сӱӱнчини ол ачып јат.

Јобошторго јӱрӱм ле јӧп берет.

Кайкамчылу сый — Кудайдыҥ Сӧзи ол.

Ачык-јарык сӧстӧри ойгортор.

Оныҥ чечен сӧстӧри кайкадып јат.

Тузаланган кижи ойгор болор.

2. Кӧк айастыҥ јайалганын ачады,

Јараш ар-бӱткенниҥ, аҥ-куштардыҥ.

Элдеҥ озо јерде кинчек болбоды,

Кижи мактап, сӱӱндирген Кудайды.

Је бир тушта тӱймеп чыкты бир ангел,

Иегованыҥ јаҥын ол јектеди.

Кинчекке улусты ийде салды ол,

Аргаданар јолды Кудай берди.

3. Кайкамчылу, јараш једип келди ӧй.

Христос башкарып бисле баштады.

Кӱнӱҥ-кӱнге сӧстӧрин бӱдӱрзебис,

Кыйын-шыранаҥ јайымдаларыс.

Бичилгенди ӱзе тоолоп болбозыҥ,

Кайкамчылу чындыктыҥ ончозын.

Эрјинедий, ӧчпӧйтӧн байлыгыс бу,

Јакшылыгын јӱрегиске берзин.