ХРИСТИАН ЈӰРӰМ
Ӱренчиктер белетеерге, јарлап, ӱредер керек
Иисус бойыныҥ ӱренчиктерин барып, ӱренчиктер белетезин деген (Мф 28:19). Бу иште эки учурлу јаны бар: јарлаары ла ӱредери. Кезикте: «Меге јакшы јарчы ла ӱредӱчи болорго нени солыыр керек?» деп, бойыстаҥ сурап турар керек
ЈАРЛААРЫ
Улус бистӧӧн келзин деп, бис колдорысты бош салала, сакып отурбай јадыс. Карын, «јарагадый кижини» бис бойыс бедирейдис (Мф 10:11). Јарлаар иште туштап турган улусла куучындажарга бис кандый ла аргала тузаланып турганыс па? (Ап.и 17:17). Элчи Павел сӱӱнчилӱ јарды кажы ла кижиге јетирерге албаданганынаҥ улам, Лидия христиан болуп калган (Ап.и 16:13—15).
«Ӱренди эртен тура отургызып, эҥирге јетире колыҥа амыр бербе» (Јрл 11:6)
«„ТОКТОБОЙ“ ЈАРЛАГАР. АЙЫЛДАР САЙЫН ЛА КЕРЕКТЕРЛЕ ЈӰРӰП ЈАРЛАГАР» ДЕГЕН КӦРӰЛМЕНИ КӦРӰП, БУ СУРАКТАРГА КАРУУ БЕР:
Самьюэлдиҥ кӱннеҥ кӱнге чындыктыҥ ӱренин ӱрендеер арга бедирегени недеҥ кӧрӱнет?
Јарлар иштиҥ кандый ла бӱдӱминде, кӱчтер де болуп турза, нениҥ учун колысты бош салбас керек?
Сен сӱӱнчилӱ јарды база кемге куучындаар эдиҥ?
ӰРЕДЕРИ
Кижиге бичиктерди јӱк ле берип турза, ол Иисустыҥ ӱренчиги болуп калбас. Ол кӧгӱс ӧссин деп, оныла такып-такып куучындажып, Агару Бичикти ӱренерин баштаар керек (1Кр 3:6—9). Је бистиҥ албаданганыс кандый да тӱжӱм экелбей турза, канайдатан? (Мф 13:19—22). Ол тушта биске «јакшы јердий» јӱректӱ улусты бедиреер керек (Мф 13:23; Ап.и 13:48).
«Мен тарыдым, Аполлос сугарды, је ӧскӱргени Кудай болды» (1Кр 3:6)
«„ТОКТОБОЙ“ ЈАРЛАГАР. ӰРЕНЧИКТЕР БЕЛЕТЕГЕР» ДЕГЕН КӦРӰЛМЕНИ КӦРӰП, БУ СУРАКТАРГА КАРУУ БЕР:
Јилбиркеп турган улустыҥ јӱрегинде чындыктыҥ ӱрендерин сугарары нениҥ учун јаан учурлу?
Јарлаар иштиҥ башка-башка бӱдӱмдеринде туружып тура, кандый амадуны ундыбас керек?
Бис канайып улусты библиялык чындыкка ӱредерге, ӧйди кӧптӧдӧ тузаланар аргалу?