Бет-Элде кандый иш эдилип јат?

Бет-Элдиҥ билезиниҥ улузы јарлаар ишке бир эмезе оноҥ до кӧп ороондордо јӧмӧжип, башка-башка бӧлӱктерде иштегилейт. Олор бичиктер кӧчӱрет, журналдар кепке базып чыгарат, бичиктер кадарлайт, бичиктердиҥ складында иштегилейт, аудиобичимелдер ле кӧрӱлмелер белетеп, оноҥ до башка јаан учурлу иштер бӱдӱргилейт.

Филиалдыҥ комитедиле башкарылат. Башкару јӧп ӱч эмезе оноҥ до кӧп ченемелдӱ аксагалдардаҥ турган филиалдыҥ комитедине филиалла башкарарын берет. Бу комитет филиалдыҥ јерине кирип турган ороондордо Каандыктыҥ ижи канайып ӧдӱп турганы керегинде ле болуп турган кандый ла кӱчтер керегинде Башкару јӧпкӧ јетирӱ эдет. Мындый јетирӱлер Башкару јӧпкӧ јуунныҥ туштажуларында ла курултайларда бичиктердеҥ кандый темаларды шӱӱжип кӧрӧтӧнин билип аларга болужат. Башкару јӧп јаантайын бойыныҥ чыгартулу улузын филиалдарга аткарат. Мындый акалар филиалдарга барып, комитеттиҥ улузына берилген ишти бӱдӱрерге болужып турган башкарту берет (Укаа сӧстӧр 11:14). Филиалдыҥ кӧрӱп турган јерлериндеги улуска аҥылу туштажу белетелип, тӧс башкаруныҥ чыгартулу кижизи куучын-эрмек айдып јат.

Јербойыныҥ јуундарын кичеери. Филиалдагы каруулу акалар јаҥы јуундар тӧзӧӧри керегинде кандый бир чечимге келгилейт. Анайда ок бу акалар пионерлердиҥ, миссионерлердиҥ ле филиалдыҥ јерине иштеп турган аймак кӧрӧӧчилердиҥ ижин башкарат. Олор курултайлар белетеп ӧткӱрет, Каандыктыҥ Тураларын тударын ла јуундарга бичиктердиҥ аткарылып турганын башкарат. Филиалдыҥ бастыра ижи јарлаары аайлу-башту ла эптӱ-јӧптӱ болорына эдилет (1 Коринфтегилерге 14:33, 40).

• Филиалдыҥ комитеттери Башкару јӧпкӧ канайып јӧмӧжип болужат?

• Филиалдар кандый иш учун каруулу?