1 УРОК

Јакшы кире сӧс

Ап. ижи 17:22

АМАДУЗЫ Угаачыларды јилбиркедип, не керегинде айдарга турганыҥды јарт кӧргӱзеле, бу тема олорго нениҥ учун керектӱ деп оҥдоп аларга болужып бер.

Јилбиркедип ий. Куучыныҥды угаачыларга јилбилӱ болгодый сурактаҥ, болгон учуралдаҥ эмезе кандый бир солуннаҥ башта.

Угаачыларыҥды не јилбиркедип турганын сананып, бу шӱӱлтелерди кире сӧзиҥде тузалан.
Не керегинде айдарга турганыҥ јарт болзын. Кире сӧзиҥ куучын-эрмегиҥниҥ тӧс шӱӱлтезин ле амадузын оҥдоорго болужып турзын.
Бу тема нениҥ учун керектӱ деп, јартап бер. Угаачыларыҥа чыннаҥ ла не керектӱ болгонына ајару эдип тур. Бу јетирӱ олорго незиле тузалу болор деп, олор јарт кӧрӱп турзын.

Куучын-эрмегиҥе белетенип јатсаҥ: «Мениҥ јуунымда ака-эјелер кандый кӱчтерге табартат?» — деп, бойыҥнаҥ сурап, кире сӧзиҥди олордыҥ айалгаларына келиштирерге албадан.